Camba llaquishca aillu o amigo cutimi causaringa

Ñucanchi quiquin ailluguna, ñucanchi amigoguna huañucpiga manacaillatachu llaquirinchi. Chiraicu, Bibliaga huañunata shuc enemigo shina man nin (1 Corintios 15:26). 27 yachana partibi, Jehova cai enemigota tucuchingaraushcata yacharangui. Chasna acpihuas, ñaupa huañuc runaguna imashi tucungauna. Cai yachana partibi, Jehova imata rangaraushcata yachangui: Paiga ashca huaranga huaranga runagunata causachinga, paiguna huiñai cushilla causanauchun nisha. Huañushcagunaga cuti causaringaunami. Caiga sirtu chan. Cieloibi o Allpaibichu causaringauna.

1. Jehova ñucanchi huañushca aillugunahuan imatata ranata munan

Jehovaga huañushca runagunata causachinata yapacta munan. Jobca Diosta sinzhita quiric runa mara. Pai huañucpi, Yaya Dios paita mana cungarinata quirira. Jobca Diosta nira: “Can ñucata cayacpiga, ñucami canda rimasha” (Job 14:13-15​ta leipai).

2. Imashinata huañushcaguna causarinata yachanchi

Jesus cai Allpaibi aushcai, Jehovaga huañushca runagunata causachingahua paita ushaita cura. Chiraicu, Jesusca 12 huatayuc malta ushushihuata causachira. Chasnallata, shuc huaccha huarmihua churitahuas causachira (Marcos 5:41, 42; Lucas 7:12-15). Huasha, paiba amigo Lazaro huañura. Chuscu punzha huañusha pambashca acpihuas, Jesus paita causachira. Diosta mañashca huasha, pambashca uctuma ricusha, pai sinzhita caparira: “Lazaro chimanda llucshi. Chi ratullatami, chi huañushca runaga llucshira”. Lazaroga causarirami (Juan 11:43, 44). Lazarohua ailluguna, paiba amigoguna manacaillatachu cushiyanaura.

3. Camba huañushca ailluguna o amigoguna cutillata causaringaunachu

Bibliaga, huañushca runaguna “cuti causaringaraushcata” nin (Hechos 24:15). Jesus causachishca runaguna mana cieloma rinaurachu (Juan 3:13). Huinguna cai Allpai causarishcamanda cushi anaura. Jesus chi timpuibi rashca shina, ñallami manacailla, ashca runagunata causachinga. Cai Allpa paraiso tucushcaibi, paiguna huiñai cushilla causangauna. Jesusca, huin Dios yuyarishca runaguna causaringauna nira. Chasnallata, mana pihuas yuyariushca runagunahuas causaringaunami (Juan 5:28, 29).

CAIMANDA MASTA YACHAI

4. Jesusca huañushca runagunata causachinata ushan

Jesus, Lazarota imashina causachishcamanda masta yachai. Juan 11:14 y 38-44​ta leichi, huasha cai tapuigunamanda cuintanacuichi:

• Lazaro sirtu huañushcata imashinata yachanchi (Versiculo 39​ta leichi).

• Lazaro huañusha cieloma rishca acpiga, Jesus Lazarota mana munacta cuti cai Allpama apamunma chara.

VIDEOTA ricuichi.

VIDEO: Jesus Lazarota causachira (1:16)

5. Ashcagunami causaringauna

Salmo 37:29​ta leichi, huasha cai tapuimanda cuintanacuichi:

• Manacailla ashca causaringarau runaguna maibita causangauna.

Jesusca mana Jehovata adorac runagunallatachu causachinga. Chasnallata, paita mana ricsic runagunatahuas causachingami. Hechos 24:15​ta leichi, huasha cai tapuimanda cuintanacuichi:

• Causarina punzha pactarishcai, pitata ricunata munangui.

Caibi yuyai: Shuc yaya paiba churita nicchachinaga mana sinzhi chan. Chasnallata, Jesus huañushca runagunata causachinaga mana sinzhi chan.

6. Jehova huañushcagunata causachinata yachashaga cungailla, cushi sintirinchi

Jesus, Jairo ushushita causachishcami, shuccunata cushi, cungailla sintiringahua yanapashca. Lucas 8:40-42 y 49-56​ta leisha, cai sirtu pasashca cuintashcata ricuichi.

Jesusca Jairota nira: ʻAma llaquirichu, can quiricpi camba ushushiga causaringamiʼ (versiculo 50​ta ricuichi). Causarina punzhata chapana, canda imashinata yanapaitucungui...

• ... camba llaquishca aillu o camba amigo huañucpi.

• ... camba causai manzhanayacta aushcaibi.

VIDEOTA ricuichi, huasha cai tapuimanda cuintanacuichi:

VIDEO: Huañushcaguna causarinata quirinaga sinzhiyachinmi (3:21)

• Causarina punzhata chapana, Phelicityhua yayagunata imashinata cungailla, cushilla sintiringahua yanapashca.

IMATA YACHASHCANGUI

Bibliaga manacailla, ashca huañushca runaguna causaringauna nin. Jehovaga huañushca runagunata causachinata munan. Paiga Jesusta ushaita cushca, huañushca runagunata causachichun nisha.

Yachashcata cuintai

• Jehova y Jesus huañushca runagunata causachina munashcata imashinata yachanchi.

• Manacailla, ashca causaringarau runaguna maibita causangauna: cieloibi o cai Allpaibi. Imahuata casna yuyangui.

• Camba llaquishca aillu o camba amigo cuti causarinata, imata quirichitucungui.

CANLLATA MASTA YACHAI

Shuc aillu huañucpi llaquigunata ahuantangahua, ima yanapangaraushcata leipai.

“Shuc aillu huañucpi llaquirishca runagunata yanapangahua” (¡Despertad!, núm. 3 2018)

Bibliaga aillu huañucpi llaquirishca auc runagunata yanapanata ushanzhu.

Llaquishca aillu o amigo huañucpi (5:06)

Paiba llaquishca aillu o amigo huañucpi, shuc huahuata imashina yanapana ushashcata ricui.

Jesusmi ñucanchita quishpichira (2:07)

Pita cieloibi causaringa. Pita mana causaringa.

“Huañushcamanda causarina ima tan” (jw.org internet pistuibi)