7 PARTI
Jesusga ¿pi tan?
Jehovami Jesusta Allpama cachara 1 Juan 4:9
Adanda chara mana rashallata Jehova Diosga jahua pachaibi shuc ashca ushaita charic angelta rara. Diosga munanmi chi angeltas uyanauchun nisha.
Unaimaga Diosga chi angelba causaita carihuan mana causac María huicsai churara. Chi angel runa huahua shina pagarira. Chi huahuata Jesus nisha shutichinaura (Juan 6:38).
Cai Allpaibi causausha Jesusga ricuchira Jehova shinallata ali, llaquic ashcata. Chimandami runagunaga paihua mayanbi aunata munanaura. Astahuanbas mana manchasha Diosmanda sirtuta yachachira.
Jesus alita raupihuas ashca runagunaga piñarinaurami 1 Pedro 2:21-23
Jesusga ungushcagunata jambira, chasnallata huaquin huañushcagunata causachira.
Jesus ricuchira panda yachachicguna mana alita rasha llullashcata. Chasna ricuchicpi ashcata rabiarinaura.
Panda yachachicguna romano amugunata yuyachinaura Jesusta turmintachisha huanchinauchun nisha.