Pigunata Jesusmanda quillcanaura

Dibujuibi auc runagunata ricui. Paigunaga Mateo, Marcos, Lucas, Juan, Pedro, Santiago, Judas, Pablo manaun. Paigunaga Jesus causashca timpui causashami, paimanda quillcanaura. Paiguna quillcashcaga Bibliaibimi tian. Cai runagunamanda mas yachanata munanguichu...

Mateo, Juan, Pedroga Jesuspa ali amigo ashami, paihuan yachachisha purinaura. Riruhuan paigunata dibujuibi ricuchi... Jesus causashcamanda Mateo sallata Juanbas quillcanaura. Astahuanbas Juanga, Apocalipsis quillcata, quimsa (3) cartagunatas quillcara. Chi cartagunaga 1 Juan, 2 Juan, 3 Juan nishca man. Pedroga cai ishcai (2) cartagunatami quillcara: 1 Pedro, 2 Pedro. Paiba tucuri cartaibiga Pedroga, ahuapachamanda Yaya Dios rimashcata uyarani nira, Jehova Dios Jesusta casna nishcata: “Cai man ñuca churi. Paita yapa llaquini. Paimanda ashcata cushiyani” nira.

Dibujuibi ricuric shuc runagunahuas Jesusmanda quillcanaura. Chibiga Marcos maun. Paiga ricurachari, Jesusta uchayachisha apugunama apashcata. Shucca Lucas man. Pai randiga doctor mara. Jesus huañushca huashachari paita catic tucura.

Jesuspa ishcai (2) quipa huauquigunahuas paimanda quillcanaura. Yachanguichu piguna tanaura... Dibujuibi maunguna. Paigunaga Santiago, Judas nishca manaura. Pundaga Jesusta mana quirinaurachu. Santiago, Judasca, yangami chasna rasha purin nisha Jesusta rimac anaura. Chasna ashahuas unaimaga, Jesuspi quirisha paita catic tucunaura.

Cunanga Pablomanda rimashun. Ricunguichu dibujuibi. Jesusta chara mana catic ashcaibiga Saulo nishca mara. Paiga Jesusta caticcunata piñasha castigangahua apic ara. Pablo imasa Jesusta catic tucushcata yachanata munanguichu... Shuc punzha ñambita riushcaibi cungaimanda ahuapachamanda shuc shimi uyarira. Pita rimaura. Jesusllatami rimaura. Chibimi casna tapura: “Imahuata ñucata caticcunata yapacta piñangui” nira. Pabloga intindirami mana chasna causana ashcata. Chiraicumi paiga Jesusta catic tucura. Ashca huataguna huashaga chunga chuscu (14) cartagunatami quillcara. Chi cartagunaga Romanos nishca quillcamanda Hebreos nishca quillcagama man.

Manachu caran punzha Bibliata leina munanchi... Chibimi Jesusmanda ashca cuintashcaguna tian. Jesusmanda mas yachanata munanguimachu...