Canga Jehovahua amigo tucunata ushangui

Jehovaga can paita alita ricsichun munan. Chiraicu, paiga imasa ashcata ricsichisha, pai imata rana munashcata yachachisha, camba amigo tucunata munan. Chasna acpihuas, sirtuchu Diospa amigo tucunata ushanchi (Santiago 2:23​ta leipai). Diospa amigo tucungahua, imatata rana angui. Bibliaga tucui amigogunamandas, Diospa amigo tucunami, mas balishca an nin.

1. Jehovaga camba amigo tucunata munanzhu

“Yaya Diospagma caillayaichi. Paihuagma caillayacpi pai cangunahuagma caillayangami” (Santiago 4:8). Cai texto yachachin, Jehova camba amigo tucuna munashcata. Maicanguna ninaun, mana ricushca runahuan mana amigo tucuna ushanchichu. Chasnallata, Diosta mana ricushaga mana paiba amigo tucuna ushanchichu. Chasna acpihuas, Jehovaga paiba shimita cushcami. Bibliaibi paita ricsishaga paima caillayanata ushanchi. Bibliamanda yachashaga, Jehovata mana ricushahuas, paiba ali amigo tucunata ushanchi.

2. Jehovaga cambaraicu ali amigo tucungahua imatata ran

Jehova canda yapa llaquin. Jehova can minishtishcagunata paima cuintasha, cushilla causachun munan. Tucui uras can “turmintarishcamanda Dioshuan cuintanata ushangui”. Chasna racpimi, paiga canda alita cuiranga (Filipenses 4:​6, 7). Jehovaga tucui uras paiba amigogunata yanapasha cushiyachisha uyanmi (Salmo 94:​18, 19​ta leipai).

3. Jehovaga paiba amigoguna imata ranauchun munan

Jehovaga huin runagunata llaquin. Chasna ashahuas, “alita rac runagunahuan sumacta apanacun” (Proverbios 3:32). Jehovaga paiba amigoguna pai ali rana nishcata pactachinauchun munan. Chasnallata, pai mana ali chan nishcamanda caruyanauchun munan. Maican runagunaga, Dios mandashcata mana ima uraspas pactachishunzhu ninaun. Chasna ashahuas, Jehovaga tucui runagunata intindin. Paita llaquisha, pai nishcata pactachina munac runagunata llaquin (Salmo 147:11; Hechos 10:​34, 35).

CAIMANDA MASTA YACHAI

4. Abrahanga Jehovahua amigo mara

Abrahanmanda Bibliai quillcashcami, Jehovahua amigo tucungahua imata rana ashcata ricuchitucunchi. Genesis 12:​1-4​ta Abrahanmanda leichi, huasha cai tapuigunamanda cuintanacuichi:

• Jehovaga Abrahanda imatata tapura.

• Jehovaga paita imatata cusha nira.

• Abrahanga Jehova mandashcata uyashca huasha, imatata rara.

5. Jehovahua amigoguna imata rana anaun

Ñucanchi amigoguna alita rasha yanapachun munanchi.

• Camba amigoguna canmanda imata rachunda munangui.

1 Juan 5:3​ta leichi, huasha cai tapuimanda cuintanacuichi:

• Jehovaga paiba amigoguna imata ranauchunda munan.

Jehovata casungahua, mana ali tunu causaita saquisha, ñucanchi causaita alichina manchi. Isaias 48:​17, 18​ta leichi, huasha cai tapuimanda cuintanacuichi:

• Jehovaga imahuata paiba amigogunata ali causaita charingahua cambianauchun nin.

6. Jehovaga paiba amigogunamanda imatata ran

VIDEO: Jehovami ñucata quishpichingahua shamura (3:​20)

• Jehovaga cai yapacta llaquirishca huarmita imashinata yanapara.

Isaias 41:​10, 13​ta leichi, huasha cai tapuigunamanda cuintanacuichi:

• Jehovaga paiba amigogunata imashinata yanapanga.

• Jehova camba ali amigo tucuna ushashcata quiringuichu. Imahua.

7. Jehovahua amigo tucungahua paihuan cuintanacuna anchi

Ñucanchi amigogunahuan cuintanacusha, paigunama masta caillayanchi. Salmo 86:​6, 11​ta leichi, huasha cai tapuigunamanda cuintanacuichi:

• Imashinata Jehovahuan cuintanata ushanchi.

• Jehovaga imashinata ñucanchihuan cuintanata ushan.

IMATA YACHASHCANGUI

Jehovaga camba amigo tucunata munan. Chasnallata, paima caillayangahua yanapaitucungui.

Yachachishcata cuintai

• Jehovaga paiba amigogunata imasata yanapan.

• Jehovaga imahuata paiba amigogunata ali causaita charingahua cambianauchun nin.

• Jehovahua amigo tucunaga sinzhi chan. Imahuata casna yuyangui.

CANLLATA MASTA YACHAI

Diospa amigo tucuna imasata canda yanapanga.

“Jehova Diosta ricsina anchi” (La Atalaya, 15 de febrero de 2003)

Dioshuan amigo tucungahua imata rana ashcata yachai.

“Imasata Diospa amigo tucuna ushani” (Lo que los jóvenes preguntan. Respuestas prácticas, volumen 2, capítulo 35)

Diospa amigo ana, imasa shuc huarmita paihua causaibi yanapashcata ricui.

“Mana huañunata munarani” (La Atalaya, núm. 1 2017)

Maican maltaguna Jehovamanda imata pinsashcata uyai.

Diospa amigo anaga ima tan (1:46)