Ali amigogunata mascai

Ali amigogunaga cushi causangahuami yanapaitucunchi. Paiguna yanapaihuan mana yapa llaquirinchi. Pero Bibliaga nin, mana huin runagunachu ali amigoguna anaun. Chasna acpiga, imashinata ali amigogunata tupanata ushangui. Cai tapuigunamanda masta yachai.

1. Imashinata camba amigoguna yanapaitucungui

Shuc runagunahuan ashca timputa pasashaga, paiguna shina yuyangahua callarinchi. Paigunaga alita rangahua yanapanaun o imasaibi pandachinata ushanaun. Paigunahuan tupanacusha cuintanacusha o internetpi cuintanacushahuas, paiguna shinami tucunata ushanchi. Bibliaga caitami nin: “Maican runa, sabiru runagunahuan purishaga sabirumi tucunga, chasnallata mana alita yuyac runagunahuan [o Jehovata mana llaquic runagunahuan] apanacushaga mana alitachu ritucunga” (Proverbios 13:20). Jehovata llaquisha adorac amigogunaga, Diosma caillayangahua, camba causaibi alita rangahua yanapaitucungui. Chasnallata, Jehovata mana llaquic runagunahuan amigo tucushaga, Diosmanda caruyanata ushangui. Chiraicumi, Bibliaga cunaitucunchi, ali amigogunata mascai nisha. Ñucanchi amigoguna Diosta llaquic acpiga, Jehovata sirvisha alita apanacushun. Ali amigogunata charishaga, cai cunashcata casunata ushanchimi: “Diosta quirisha pariumanda sinzhiyachinacushunchi” (Romanos 1:12).

2. Jehovaga can mana ali amigogunata charicpi imashinata sintiringa

Jehovaga paiba amigogunata alita ricushami anllan. Chiraicu, paiga “alita rac runagunahuan alita apanacun” (Proverbios 3:32). Jehovata mana llaquic runagunahuan amigo tucucpiga, paiga imasata sintiringa. Jehovaga ashcatami llaquiringa (Santiago 4:4​ta leipai). Chasna ashahuas, mana ali amigogunamanda caruyacpi, paima caillayasha, paita llaquiccunahuan amigo tucucpiga, Jehovaga ashcata cushiyangami. Paibas ñucanchi amigo tucunga (Salmo 15:1-4).

CAIMANDA MASTA YACHAI

3. Mana ali amigogunamanda caruyai

Mana ali amigogunaga, Diosta mana llaquic, pai mandashcata mana casuc runaguna chanaun. VIDEOTA ricuichi, huasha cai tapuimanda cuintanacuichi:

VIDEO: Mana ali amigogunamanda caruyai (6:17)

• Imashinata mana ali amigogunahuan apanacungahua callarinata ushanchi.

1 Corintios 15:33​ta leichi, huasha cai tapuimanda cuintanacuichi:

• Cambaraicu, pigunata mana ali amigo tucunata ushanaun. Imahuata casna yuyangui.

Salmo 119:63​ta leichi, huasha cai tapuimanda cuintanacuichi:

• Shuc ali amigo ima tunu runa ana tan.

4. Tucui sami runagunahuan amigo tucunata ushanchi

Bibliaga, David y Jonatanmanda riman. Jonatan, Davidmanda mas rucu mara. Paiguna chican causaita charishahuas, gustuta apanacusha ali amigo tucunaura. 1 Samuel 18:1​ta leichi, huasha cai tapuimanda cuintanacuichi:

• Camba amigogunaga can shina huatayuc ana chanaun. Can causashca shinachu causana anaun. Imahuata casna yuyangui.

Romanos 1:11, 12​ta leichi, huasha cai tapuimanda cuintanacuichi:

• Jehovata llaquic amigogunaga imashinata pariumanda yanapanacunaun.

Shuc malta runaga, imasata amigogunata cungaimanda tupara. VIDEOTA ricuichi, huasha cai tapuigunamanda cuintanacuichi:

VIDEO: Imasaibiga amigogunata cungaimanda tupanchi (5:06)

• Luispa yayagunaga, paiba churi escuelaibi charishca amigogunamanda, imahuata yapacta yuyarinaura.

• Luisca imahuata chi amigogunahuan apanacunata munara.

• Mana sapalla sintiringahua, imatata rara.

5. Ali amigogunata tupangahua imatata rana angui

VIDEO: Shuc ali amigo imashina tan (4:14)

Proverbios 18:24 y 27:17​ta leichi, huasha cai tapuigunamanda cuintanacuichi:

• Ali amigogunaga imasata yanapanacunaun.

• Proverbios libroibi rimashca shina, ali amigogunata charinata munanguichu. Chi sami amigogunata mana charishaga imatata rana ushangui.

Filipenses 2:4​ta leichi, huasha cai tapuimanda cuintanacuichi:

• Ali amigogunata charingahua, cambas ali amigo ana mangui. Ali amigo tucungahua imatata rana angui.

IMATA YACHASHCANGUI

Ali amigogunata charishaga, cushimi causashun, Jehovatas cushiyachishun.

Yachashcata cuintai

• Jehovaga imahuata ñucanchi ali amigogunata charichun munan.

• Ima tunu amigogunamandata caruyana anchi.

• Imashinata ali runagunahuan amigo tucunata ushangui.

CANLLATA MASTA YACHAI

Turmintu punzhagunaibi ali amigoguna imasa yanapashcata ricui.

“Cai mundu mana tucurigllaita, ali amigogunata mascashunchi” (La Atalaya, noviembre de 2019)

Ali amigogunata charingahua, imata rana ashcata yachai.

“Ali amigogunaga imashina tanaun” (Lo que los jóvenes preguntan. Respuestas prácticas [volumen 1], capítulo 8)

Internetpi amigogunata tupanaga ali chan.

Redes sociales nishcama yaicuc ashaga alita utilizai (4:12)

“Shuc yayata charinata munarani” nisha cuintashcata leipai. Chibi, shuc runa imahua paiba mana ali amigogunata saquishcata yachai.

“Bibliaga runaguna causaita cambian” (La Atalaya, 1 de abril de 2012)