Bautisarinaga balishca man

Jesusca ñucata catingahua, bautisarina manguichi nira (Mateo 28:19, 20​ta leipai). Bautisarina ima tan. Shuc runaga bautisaringahua imatata rana an.

1. Bautisarinaga ima tan

Bautisarina nishcaga griego shimibi “tsambulina” man nisha nin. Jesus bautisarishcaibi, Jordan yacuibi intiru aichata nitira. Chi huasha, “yacumanda llucshira” (Marcos 1:9, 10). Sirtu Jesusta caticcuna bautisariushcaibi, intiru aichata yacuibi tun yaicuchisha bautisanaun.

2. Shuc runa bautisarishaga imatata ricuchin

Shuc runa bautisarisha, paiba causaita Jehovama cushcata ricuchin. Ñucanchi causaita Jehovama cungahua, imatata rana anchi. Sapalla aushcaibi, Diosta mañasha, paita huiñairaicu sirvinata rimana anchi. Mana bautisarishallata, Diosta casna rimasha mañana anchi. Bautisaringarau runa, Diosta mañasha paillata adoranata riman. Chasnallata, Dios munashcata pactachingahua, pairaicu mas balishca anga. Chimandas, Jesus nishcata pactachisha, pai shina causangahua anllana an. Jesus nira: “Maicanbas ñucata catinata munasha pai quiquin munaita saquisha, [...] ñucahuan shamuchun” (Mateo 16:24). Maican causaita Diosma cusha bautisarishaga, Jehovama mas caillayasha paihua ali amigo tucun. Chasnallata, Diosta adoraccunahuanbas amigo tucun.

3. Bautisaringahua imatata rana angui

Can bautisarinata munashaga, punda Jehovamanda yachasha, paibi sinzhita quirina angui (Hebreos 11:6​ta leipai). Jehovamanda masta yachasha, paita quirishaga, paita masta llaquingui. Chasnami, predicanata munangui. Chimandas, pai munashca shina causanata munangui (2 Timoteo 4:2; 1 Juan 5:3). Shuc runa “Jehova munashca shina causashaga”, Diosma paihua causaita cusha bautisarina munanga (Colosenses 1:9, 10; TNM).a

CAIMANDA MASTA YACHAI

4. Jesus bautisarishca imata yachachitucunchi

Jesus bautisarishcamanda masta yachangahua, Mateo 3:13-17​ta leichi. Huasha, cai tapuigunamanda cuintanacuichi:

• Jesus bautisarishcaibiga, shuc llullucu huahua chara.

• Paihua umaibi ansa yacuhuallatachu talinaura. Randi, imasata bautisarira.

Bautisarishca huasha, Jesusca Dios mandashcata rangahua callarira. Lucas 3:21-23 y Juan 6:38​ta leichi, huasha cai tapuimanda cuintanacuichi:

• Bautisarishca huasha, Jesusca imata balichisha rai callarira.

5. Bautisarina pactachinalla man

Canba causaita Diosma cusha, bautisarina yuyaita charishaga punda manzharinguimachari. Chasna sintirishahuas, Jehovamanda masta yachasha, paita alita ricsishaga, bautisarinata munangui. Maicanguna bautisaringahua imata rashcata, cai VIDEOTA ricuichi.

VIDEO: Jehovahuan ali amigo tucui (1:11)

Juan 17:3 y Santiago 1:5​ta leichi, huasha cai tapuimanda cuintanacuichi:

• Bautisaringahua listo angahua, imata yanapaitucungui.

1. Jehovata huiñairaicu sirvisha nisha, ñucanchi causaita paima cunchi.

2. Bautisarishaga, shuccuna ñaupacpi, ñucanchi causaita Diosma cushcata ricuchinchi.

6. Can bautisarishaga, Jehovahua quiquin aillu parti tucungui

Bautisarishaga, mundu intirumanda shuc aillu parti shina tucunchi. Maimanda ashahuas, ñaupa imasa causashca ashahuas, huin testigo de Jehovagunami, Biblia yachachishcallata quirinchi. Chasnallata, Jehova mandashcata pactachisha causanchi. Salmo 25:14 y 1 Pedro 2:17​ta leichi, huasha cai tapuimanda cuintanacuichi:

• Cai versiculoguna nishca shina, bautisarinaga imasata yanapaitucunchi.

IMATA YACHASHCANGUI

Jesusca ñucata catingahua, bautisarina manguichi nira. Bautisaringahua, Jehovaibi sinzhita quirina anchi. Pai mandashca casusha, Diosta mañasha ñucanchi causaita paima cuna anchi.

Yachashcata cuintai

• Bautisarina ima tan. Imahuata balishca an.

• Imahuata mana bautisarishallata, Diosta mañasha, ñucanchi causaita paima cushcata rimana anchi.

• Shuc runaga mana bautisarishallata, imatata rana an.

CANLLATA MASTA YACHAI

Bautisarina ima ashcata, mana ima ashcata yachai.

“Bautisarina ima tan” (jw.org internet pistuibi)

Bautisaringahua, imata rana ashcata yachai.

“Jehovata llaquisha pagrachusha bautisarinchi” (La Atalaya, marzo de 2020)

Shuc runa mana yangamanda bautisarishcata ricushun.

“Ñucallata sirtu shimita tupachun munanaura” (La Atalaya, 1 de febrero de 2013)

Bautisarina imahua balishca ashcata ricui. Canga, imasata alichirina angui.

“Ñachu bautisarina ani” (Lo que los jovenes preguntan. Respuestas practicas [volumen 2], capitulo 37)