Huañushca huasha causasha catinchichu

Can llaquishca aillu o amigo huañushcachu. Chi ratu yapa llaquirishca aushcai, can tapurishcanguichari: “Huañushca huasha causasha catinchichu. Llaquishca aillugunahuan cuti tuparishachu”. Cai yachana partibi, shamuc yachana partibiga, Biblia caimanda imata yachachishcata ricushun. Caita yachashaga cungaillami sintirishun.

1. Huañushca huasha causasha catinchichu

Jesusca shuc huañushca runata, mana sinticta puñushca runa shina man nira. Imahuata chasna nira. Mana sinticta puñushca runaga, paiba mayanbi ima tucuuta mana yachanzhu. Chasnallata, maican runa huañushaga nanaita, turmintuta, imatas mana sintinzhu. Bibliaga nin, “huañushcagunaga mana imatas yachanaunzhu” (Eclesiastes 9:5​ta leipai).

2. Huañushcaguna ima tucushcata yachanaga imasata yanapaitucunchi

Ashca runagunami, huañunata, huañushca runagunatas manzhanaun. Can chasna sintirishaga, Biblia huañunamanda yachachishcami, cungailla sintiringahua yanapaitucungui. Jesusca “sirtu shimimi cangunataga lugaryachinga nira” (Juan 8:32). Maican religiongunaga caitami yachachinaun, shuc runa huañushca huasha paiba alma causasha catin nisha. Biblia randiga, caita mana yachachinzhu. Bibliaga yachachinmi, huañushcagunaga mana turmintarinaunzhu nisha. Huañushcaguna mana imatas yachashcamanda, ñucanchita mana turmintachinata ushanaun. Chiraicu, huañushcagunamanda mana rizana chanchi. Chasnallata, paigunata alita sintichingahua mana imatas rana ushanchichu.

Maican runaguna ninaun, huañushca runagunahuan cuintanacuna ushanchi nisha. Chiga mana ushaibac chan. Imasami yachashcanchi, “huañushcagunaga mana imatas yachanaunzhu”. Huañushcagunahuan cuintanacunchi nic runagunaga demoniogunahuanmi cuintanacunguna. Cai demoniogunaga huañushca runaguna shina tucusha rimanaun. Chiraicu, huañushcaguna ima tucushcata yachashaga demoniogunamanda lugar tucunchi. Jehovaga, huañushcagunahuan ama cuintanacunguichichu nin. Demoniogunahuan cuintanacushaga mana alichu tucungaraunguichi nin (Deuteronomio 18:10-12​ta leipai).

3. Huañushaga imata tucunchi

Mundu intiruibi huañunamanda chican chican quirishcagunami tian. Chasna ashahuas, chi tucui quirishcagunaga mana sirtu chanaun.

• Can causashca llactaibi runagunaga huañunamanda imatata quirinaun.

VIDEO: Huañushaga imata tucunchi (ichilla video parti) (1:19)

Eclesiastes 3:20​ta leichi, huasha cai tapuigunamanda cuintanacuichi:

• Cai versiculo nishca shina, huañushca runaga imata tucun.

• Shuc runa huañushaga, paiba alma o espiritu maican partibi causasha catinzhu.

Bibliaga Jesuspa amigo Lazaro huañushcamanda cuintan. Lazaro huañucpi, pai imashina ashcata Jesus imata nira. Juan 11:11-14​ta leichi, huasha cai tapuigunamanda cuintanacuichi:

• Jesusca Lazaro puñushca man nisha, imatata intindichiura.

• Shuc huañushca runa, puñushca runa shina man nishca yachanaga, imatata yachachitucunchi.

• Huañushcagunamanda Biblia yachachishcata intindishaga, imasata sintiringui.

4. Huañushcagunamanda sirtuta yachanaga lugaryachitucunchi

Huañushcaguna ima tucushcata sirtuta yachashaga manzharinamanda lugaryanchi. Eclesiastes 9:10​ta leichi, huasha cai tapuimanda cuintanacuichi:

• Huañushca runagunaga ñucanchita turmintachinata ushanaunzhu.

Bibliamanda sirtu yachanaga, huañushcagunata mana manzhangahua yanapaitucunchi. Isaias 8:19 y Apocalipsis 4:11​ta leichi, huasha cai tapuimanda cuintanacuichi:

• Shuc runa huañushcagunata balichisha, paigunata yanapaita tapucpi, Jehovaga imashinata sintirin.

5. Huañushcagunamanda sirtuta yachanaga cungailla sintichitucunchi

Ashca runagunata yachachinaun, huañushaga canguna mana ali rashcamandami turmintaringuichi nisha. Chasna ashahuas, huañushca huasha, alita mana alita raccuna mana turmintaringaraushcata yachashaga cungaillami sintirinchi. Romanos 6:7​ta leichi, huasha cai tapuimanda cuintanacuichi:

• Bibliaga ninmi, huañushca runa paiba uchamanda lugaryashca man. Chasna asha, huañushcagunaga paiguna causaibi uchata rashcamanda turmintariungunachu.

Jehovata mas ricsisha pasactami intindinchi, paiga huañushcagunata mana turmintachinzhu. 1 Juan 4:8 y Apocalipsis 15:4​ta leichi, huasha cai tapuigunamanda cuintanacuichi:

• Llaquic, alita rac Diosca, huañushca runagunata turmintachinmachu.

• Huañushcagunamanda sirtu yachanaga cungailla sintichitucunguichu. Imahua.

IMATA YACHASHCANGUI

Maican huañucpiga, paiba causai tucurinmi. Huañushcagunaga mana turmintarinaunzhu. Chasnallata, mana pitahuas turmintachinata ushanaunzhu.

Yachashcata cuintai

• Huañushca huasha causasha catinchichu.

• Huañushcagunamanda sirtu yachanaga imamandata lugaryachitucunchi.

• Huañushcagunamanda sirtu yachanaga imashinata cungailla sintichitucunchi.

CANLLATA MASTA YACHAI

Bibliaibi alma nishcata pasacta intindingahua yachai.

“Almaga ima tan” (jw.org internet pistuibi)

Diosca mana ali runagunata infiernoibi rupachinzhu. Caimanda masta yachai.

Infiernoga huañushcagunata turmintachina pistu chan (3:07)

Huañushcagunata manzhana chanchi.

Huañushcagunaga ñucanchita yanapanata ushanaunzhu. Turmintachinata ushanaunzhu. Huañushcagunahua almaga tianzhu (Folleto)

Huañunamanda sirtu yachanaga shuc runata imashina yanapashcata ricui.

“Biblia pasacta yachachishcaga alitami sintichihuara” (La Atalaya, 1 de febrero de 2015)