Diospa Gobiernoga ima tan

Bibliaibi tucui partibi Diospa Gobiernomanda riman. Jehova paiba Gobiernohuan cai Allpata shuc paraisota ranga. Diospa Gobiernoga ima tan. Pai ña mandaushcata imasata yachanchi. Cunangama imatata pactachishca. Shamungarauc punzhagunaibi imatata ranga. Cai yachana partibi, shamuc ishcai partigunaibihuas, cai tapuigunata contestashca mangauna.

1. Diospa Gobiernoga ima tan. Diospa Gobiernoi mandacca pi tan

Jehova paiba Gobiernota churashca. Paiba Gobiernoibi mandacca Jesucristo man. Paimi cielomanda mandaun (Mateo 4:17; Juan 18:36). Jesusmanda rimasha Bibliaga nin: “Huiñai mandacmi tucunga” (Lucas 1:32, 33). Pai mandanaga ima uraspas mana tucuringachu. Jesus, Diospa Gobiernoibi mandac ashcamanda, paiga Allpaibi tucui causac runagunatami mandanga.

2. Pigunata Jesushuan mandangauna

Jesusca mana sapallachu mandaun. Maican runaguna, “Cristohuan pariu [...] mandangauna” (Apocalipsis 20:6). Masna runagunata Jesucristohuan mandangauna. Jesus cai Allpaibi aushca timpumandami, manacailla ashca runaguna Jesusta catingahua callarishcauna. Chi runagunamanda, 144.000 runagunallami cieloma risha Jesushuan mandangauna (Apocalipsis 14:1-4​ta leipai). Jesusta catic shuccunaga, cai Allpaibi causasha, Diospa Gobierno nishcata casungauna (Salmo 37:29).

3. Diospa Gobiernoga imahuata runa gobiernogunamanda mas balic an

Runa gobiernoguna alita ranata munashahuas, paiguna munashcata pactachingahua ushaita mana charinaunzhu. Runa gobiernogunata caran timpuibi cambianaun. Cambiashca mushuc gobiernoga, runagunata mana yanapanata munanauma imachari. Randi, Diospa Gobiernoibi mandac Jesusca, shuc mandac runahuan mana cambiashca changa. Diosmi “shuc gobiernota churashca. Chi gobierno mana ima uraspas tucuringachu” (Daniel 2:44). Jesusca tucui Allpata mandasha, huin runagunata pariuta yanapanga. Jesusca llaquic, ali shunguyuc, alita rac man. Pai shina angahua, runagunata yachachinga: runagunaga llaquic, ali shunguyuc, alita rac mangauna (Isaias 11:9​ta leipai).

4. Diospa Gobiernomi cai Allpata mandanga

Jesucristomi tucui mandaccunamanda mas yali mandana ushaita charin. Mateo 28:18​ta leichi, huasha cai tapuimanda cuintanacuichi:

• Jesus mandanaga imahuata runa gobiernogunamanda mas balic an.

Runa gobiernogunaga shuc llactallatami mandanata ushanaun, mana unai timputa mandanaunzhu, paiguna mandana tucurin. Diospa Gobiernohuan chasnallatachu tucunga. Daniel 7:14​ta leichi, huasha cai tapuigunamanda cuintanacuichi:

• Diospa Gobierno huiñairaicu mandashaga imashinata yanapanga.

• Diospa Gobierno tucui Allpata mandacpiga imashinata yanapaitucushun.

5. Runaguna mandana randiga Diospa Gobiernomi mandanga

Imahuata runa gobiernogunamanda Diospa Gobierno mandachun minishtirin. VIDEOTA ricuichi, huasha cai tapuimanda cuintanacuichi:

VIDEO: Diospa Reinoga ima tan (ichilla video parti) (1:41)

• Runa gobiernogunaga ima turmintugunatata apamushcauna.

Eclesiastes 8:9​ta leichi, huasha cai tapuimanda cuintanacuichi:

• Runa gobiernoguna mandana randiga, Diospa Gobierno mandachunzhu minishtinchi. Imahua.

6. Diospa Gobiernoibi mandaccunaga ñucanchita intindinaun

Ñucanchi Rey Jesus, cai Allpaibi runa shina causashcamanda, “ñucanchi turmintarishcatas yachasha” intindin (Hebreos 4:15). Jehovaga, 144mil paita casuc cari huarmigunata Jesushuan mandangahua anllashca. Cai runagunaga, “tucui chican muntungunamanda, tucui tunu rimaccunamanda, tucui llactagunamandas” anllashca manaun (Apocalipsis 5:9).

• Jesus y 144mil anllashca runaguna, ñucanchita intindic ashcata yachasha, cungaillachu sintiringui. Imahua.

7. Diospa Gobierno leygunaga runaguna leygunamanda mas yali balic manaun

Runa gobiernoga runagunata cuirangahua leygunata churanaun. Chasnallata, Diospa Gobiernoga leygunata charin. Dios mandashca runagunaga, chi leygunata casusha pactachina anaun. 1 Corintios 6:9-11​ta leichi, huasha cai tapuigunamanda cuintanacuichi:

• Dios mandashcata casuc runagunaga imashinashi causangauna.a

• Jehova pai mandashca runaguna paiba leygunata casuchun derechotachu charin. Imangahuata chita ningui.

• Diosta mana casuc runaguna, paiguna causaita alichinata ushanaunzhu. Imahua casna ningui (Versiculo 11​ta ricuichi).

IMATA YACHASHCANGUI

Diospa Gobiernoga cieloibi maun. Cai Gobiernoga mundu intiruta mandanga.

Yachashcata cuintai

• Diospa Gobiernoibiga pigunata mandangauna.

• Diospa Gobiernoga imahuata runa gobiernogunamanda mas yali balic an.

• Jehovaga pai mandashca runaguna imata ranauchunda munan.

CANLLATA MASTA YACHAI

Diospa Gobierno maibi aushcata, Jesus imata yachachishcata leipai.

“Diospa Gobiernotaga corazonbichu charinchi” (jw.org internet pistuibi)

Imahuata testigo de Jehovaguna runa gobiernogunata punda casuna randiga, Diospa Gobiernota casunaun.

Diospa Gobiernollatami casunchi (1:43)

Jesushuan mandangahua 144mil Dios anllashca runagunamanda Biblia ima nishcata yachai.

“Pigunata cieloma ringauna” (jw.org internet pistuibi)

Dios cai munduibi tiac turmintugunata alichinata intindingahua, carcelbi auc huarmita imata yanapara.

“Turmituguna tucurina ashcata yacharani” (¡Despertad!, noviembre de 2011)