Canga bautisaringahua listo chaungui

Bibliata estudiashcamanda, canga Jehovamanda ashcata yachashcangui. Chasnallata, Biblia nishcata pactachingahua, camba causaibi maican mana ali ranagunata saquishcangui. Pero canga yuyaringui imachari, ñuca causaita Jehovama cusha bautisaringahua, chara mana alichirishca chauni nisha. Cai yachana partibi, maican Bibliata yachauc runaguna bautisaringahua ima arcaigunata binsishcata yachashun. Chasnallata, can bautisaringahua imata rana ashcata ricushun.

1. Bautisaringahuaga Bibliamanda tucuitachu yachana angui

Canga bautisaringahua, “Diospa Sirtu Shimita yachana angui” (1 Timoteo 2:4). Can chara mana bautisarishallata, runaguna Bibliamanda tucui tapushcagunata yachanata mana minishtinguichu. Jehovata sirvic runaguna ashca huatata bautisarishca ashahuas, Bibliamanda yachasha catinata minishtinaun (Colosenses 1:9, 10). Chasna acpihuas, Bibliamanda punda yachachishcagunata intindina angui. Congregacionda pushac ancianoguna, can Bibliamanda ima tupu yachashcata musiangahua yanapaitucungui.

2. Mana bautisarishallata imatata rana angui

Bibliaga nin: “Aripintirichi, Diospagma bulltiaichi” (Hechos 3:19, TNM). Chiraicu, bautisaringahua canga aripintirina mangui. Aripintiringahua ñaupa camba ucha ranamanda ashcata turmintarina angui. Chasnallata, Jehovata perdonda tapuna angui. Dios mana ali chan nishcataga millasha carumanda ricuna angui. Chimandas, caran uras Dios munashca shina causana angui. Caita pactachishca huasha, tandarinagunama risha, mana bautisarishallata congregacionhuan predicangahua callarina ushangui.

3. Bautisaringahua imahuata mana manzhana angui

Maicangunaga Jehova munashcata mana pactachishunzhu nisha manzhanaun. Caibi yuyai: Bibliaibiga callari timpuibi Jehovata sirvic cari huarmiguna pandarishcata cuintan. Chasnallata, cambas imasaibi pandarinata ushanguimi. Yuyari, Jehovaga ñucanchi pandaringaraushcata yachan (Salmo 103:13, 14​ta leipai). Can ushashcata racpi, Jehovaga cushimi sintiringa. Chimandas, Jehova yanapaitucungui. Mana imallas, “Yaya Dios ñucanchita llaquiushcamanda llucshichinata mana ushangaunachu” (Romanos 8:38, 39​ta leipai).

CAIMANDA MASTA YACHAI

4. Jehovata alita ricsi

Bautisaringahua Jehovamanda tucuitachu yachana angui. Mana, mana huindachu yachana angui. Paita llaquisha casuna munaita charingahua ricsina angui. mundu intiruibi Bibliata estudiaccuna caita pactachishcata yachangahua VIDEOTA ricuichi. Huasha, cai tapuimanda cuintanacuichi:

VIDEO: Bautisaringahua imatata rana angui (3:56)

• Cai video ricuchishca shina, chi estudiantegunataga bautisaringahua listo angahua imata yanapara.

Romanos 12:2​ta leichi, huasha cai tapuigunamanda cuintanacuichi:

• Biblia yachachishcata sirtupacha quiringuichu. Testigo de Jehovaguna Bibliamanda sirtuta yachachishcata quiringuichu. Imahuata casna yuyangui.

• Chita quiringahua sinzhi acpiga imatata rana angui.

5. Ima arcaigunata binsisha cati

Tucuigunami Jehovama ñucanchi causaita cusha bautisaringahuaga arcaigunata charishcanchi. Shuc pani casna tucushcata yachangahua, VIDEOTA ricuichi. Huasha, cai tapuigunamanda cuintanacuichi:

VIDEO: Jehovata llaquinaga ima arcaigunata binsingahua yanapan (5:22)

• Cai paniga ima arcaigunatata Jehovata sirvingahua binsira.

• Jehovata pai llaquishcaga imasata cai arcaigunata binsingahua yanapara.

Proverbios 29:25​ta y 2 Timoteo 1:7​ta leichi, huasha cai tapuimanda cuintanacuichi:

• Arcaigunata binsingahua maimandata ursata surcunchi.

6. Jehovami yanapaitucungui

Jehovami paiba munaita pactachingahua yanapaitucungui. VIDEOTA ricuichi, huasha cai tapuigunamanda cuintanacuichi:

VIDEO: Jehovami canda yanapanga (2:50)

• Cai videoibi ricushca runa imahuata bautisarinata manzhara.

• Imata Jehovaibi mas quiringahua yanapara.

Isaias 41:10, 13​ta leichi, huasha cai tapuimanda cuintanacuichi:

• Camba causaita Jehovama cusha nishcata can pactachingaraushcataga imahuata quiringui.

7. Jehova canda llaquishcamanda pagrachui

Jehova canda llaquishcata masta yuyarishaga, paita masta pagrachunata munangui. Chasnallata, paita huiñaibac sirvisha catinata munangui. Salmo 40:5​ta leichi, huasha cai tapuimanda cuintanacuichi:

• Jehova canda ima cushcatata yapacta balichingui.

Profeta Jeremiasca Jehovata pai rimashcata yapacta llaquira. Pairaicu Diosta sirvinaga balishca mara. Pai nira: “Can rimashca shimigunaga ñuca shunguta ashcata cushiyachihuara. Ñucaga camba shutita apauni, Jehova Dioslla” (Jeremias 15:16). Cunanga, cai tapuigunata cutichi:

• Testigo de Jehova tucunaga, imahuata ashca balishca an.

• Canga, testigo de Jehova tucungahua bautisarinata munanguichu.

• Bautisaringahua imagunata canda arcan.

• Bautisaringahuaga imatata rana angui.

IMATA YACHASHCANGUI

Canga Jehova yanapaihuan bautisaringahua, ima arcaigunata binsinata ushanguimi.

Yachashcata cuintai

• Bautisaringahua Bibliamanda huindachu yachana angui.

• Mana bautisarishallata imatata rana angui.

• Bautisaringahua imahuata mana manzhana angui.

CANLLATA MASTA YACHAI

Bautisaringahua ima rana ashcata yachai.

“Bautisaringahua listo changui” (La Atalaya, marzo de 2020)

Bautisaringahua ima arcaigunata binsinata yachai.

“Imata bautisaringahua arcahuan” (La Atalaya, marzo de 2019)

Shuc runa bautisaringahua ashca arcaigunata binsishcata ricui.

Imahuata chara mana bautisariungui (1:10)

Pundaga Ataa nishca runaga mana bautisarinata munarachu. Bautisaringahua paita ima yanapashcata ricui.

Bautisaringahua balinichu imachari (7:21)