Jehovata cushiyachingahua imashinata rimana anchi

Jehovaga ñucanchita rasha, rimana ushaita cuitucushcanchi. Chasna acpi, Jehovaga ñucanchi ali gustu rimanata munan (Santiago 1:26​ta leipai). Ñucanchi rimashcagunahuan Jehovata imashinata cushiyachinata ushanchi.

1. Imashinata rimana anchi

Bibliaga casna nitucunchi: “Diosta quirisha pariumanda sinzhiyachinacushunchi” (Romanos 1:12). Canga, maican llaquirishca aucta yachanguichu. Imashinata paita sinzhiyachinata ushangui. Pai cambaraicu ashca balic ashcata, ali shunguyuc runa ashcata rimai. Can ricsishca runata sinzhiyachingahua, ima textohuanda yanapanata ushangui. Yanapangahua, Bibliaibi ashca textoguna tian. Caita yuyari, can sumaglla rimashaga, shuccunata sinzhiyachinata ushangui. Chiraicu, cungailla, llaquihuan rimai (Proverbios 15:1).

2. Ima tunu rimanatata saquina anchi

Bibliaga nin: “Ama iridsa shimigunatas rimanguichichu” (Efesios 4:29​ta leipai). Chiraicu, irus shimigunata mana rimana chanchi. Chasnallata, ñucanchi rimashcagunahuan shuccunata mana pingachisha llaquichina chanchi. Yanga cuintugunata, shuc runagunamanda mana llullasha rimana chanchi (Proverbios 16:28​ta leipai).

3. Alita rimangahua imata yanapaitucushun

Ñucanchi rimashcaguna imata yuyashcata, shungu ucui imata charishcata ricuchin (Lucas 6:45). Chiraicu, ima ali ashcata yuyana anchi. Tucui sirtu rimashcallata, tucui aligunallata, ali rashcagunallata, Diosta balichishcatahuas yuyarishalla causana anchi (Filipenses 4:8). Chita pactachingahua, lugar uraspi alita rasha, ali amigogunata charina anchi (Proverbios 13:20). Chara mana rimaushallata, alita yuyana anchi. Can rimashcahuan shuccuna imashina sintiringaraushcata yuyai. Bibliaga nin: “Mana yuyarisha rimashca shimigunaga cuchilluhuan tucsishca shina manaun. Randi, sabiru runaguna rimashcaga chugrishcata ambinacuinta man” (Proverbios 12:18).

CAIMANDA MASTA YACHAI

4. Chara mana rimaushallata alita yuyarisha rimai

Huinguna imasaibi pandarisha rimashcanchi. Chita rimashaga, mana alitachu sintirishcanchi (Santiago 3:2). Galatas 5:22, 23​ta leichi, huasha cai tapuigunamanda cuintanacuichi:

• Alita yuyarisha rimangahua, Jehovata imatata tapunata ushangui. Galatas 5:22, 23 nishcaguna, imashinata yanapaitucungui.

1 Corintios 15:33​ta leichi, huasha cai tapuimanda cuintanacuichi:

• Mana ali amigogunahuan pasasha, mana aligunata ricusha o uyasha, canbas paiguna shinachu rimai callaringuima. Imashina.

Eclesiastes 3:1, 7​ta leichi, huasha cai tapuigunamanda cuintanacuichi:

• Imasaibita mana rimasha chunlla saquirina anchi. Ima uraspita rimana anchi.

5. Shuccunamanda alita rimai

VIDEO: Ali shimigunallahuan rimasha shuccunata sinzhiyachishun (4:07)

• Videoibi ricushca huauquiga, pai shuccunamanda mana alita rimanata, imahuata saquinata munara.

• Caita pactachingahua imatata rara.

Romanos 14:10​ta leichi, huasha cai tapuimanda cuintanacuichi:

• Shuccunamanda mana ali rimana yuyai shamucpiga, imatata yuyarina anchi.

Santiago 3:8, 9​ta leichi, huasha cai tapuimanda cuintanacuichi:

• Maican runa canmanda mana alita rimacpi, cai versiculoguna mana piñaringahua yanapaitucunguichu. Imahua.

6. Camba ailluhuan llaquisha cuintanacui

VIDEO: Aillugunaga tandalla causangahua llaquinacusha respetana anaun (3:08)

• Camba ailluta llaquihuan rimangahua, imata yanapaitucungui.

Efesios 4:31, 32​ta leichi, huasha cai tapuimanda cuintanacuichi:

• Aillu ucuibi cungailla sintiringahua, imashinata cuintanacuna anchi.

Jehovaga, paiba churi Jesusta llaquishcata rimara. Mateo 17:5​ta leichi, huasha cai tapuimanda cuintanacuichi:

• Jehovahua ejemplota catisha, imahuata ñucanchi aillugunata llaquishcata rimana anchi.

IMATA YACHASHCANGUI

Ñucanchi rimashcagunahuan, shuccunata sinzhiyachinata o llaquichinata ushanchi. Chara mana rimaushallata, ima rimanata, ima uras rimanata, imashina rimanata alita yuyana anchi.

Yachashcata cuintai

• Shuc runagunata yanapangahua, ima tunu rimaitata charina angui.

• Ima tunu rimaitata saquina anchi.

• Llaquihuan, sumacta rimangahua, imata yanapanga.

CANLLATA MASTA YACHAI

Alita rimangahua imata yanapanga.

Sabiru runaguna rimashca shina rimashunchi (8:09)

Irusta mana rimangahua, imata yanapaitucushun.

“Imahuata iridsa shimigunata mana rimana anchi” (jw.org internet pistuibi)

Shuccunamanda mana yanga rimangahua, imata rana ashcata ricui.

Shuccunamanda yanga cuintanaga mana ali chan (2:36)

Shuc runa iridsa rimanata saquina munara, Jehova paita imashina yanapashcata leipai.

“Ñuca imashina causaushcata yuyai callarirani” (La Atalaya, 1 de agosto de 2013)