YACHANA PARTI 57
Ñuca iridsa uchata rashaga imashi tucuima
Can Jehovata yapa llaquisha, paita mana llaquichinata munashahuas, imasaibiga uchaibi urmanata ushanguimi. Chasna acpihuas, shuc uchagunamanda mas iridsa uchaguna tian (1 Corintios 6:9, 10). Can iridsa uchata racpihuas, Jehova canda llaquisha mana saquitucunguichu. Paiga canda perdonasha yanapanata munan.
1. Jehova ñucanchita perdonachun imatata rana anchi
Jehovata llaquic runa, iridsa uchata rashaga llaquirisha turmintarin. Pero, Jehovaga cai runa cungailla sintirichun, caita nin: “Canguna uchaguna inu puca llachapa shina acpihuas, ruyac nieve shina tucungauna” (Isaias 1:18). Ñucanchi shungumanda aripintiricpiga, Jehova tucuitami perdonaitucushun. Uchata rashcamanda aripintiringahua, imatata rana anchi. Ñucanchi uchata rashcamanda shungumanda nanarisha yapa llaquirina anchi. Chasnallata, uchata ranata saquina anchi. Chimandas, Jehovata perdonda rugana anchi. Chasna rashaga, ñucanchi mana ali yuyaita saquisha, uchaibi mana cuti urmangahua ursarisha, Jehova mandashcagunata pactachisha catina anchi (Isaias 55:6, 7ta leipai).
2. Ñucanchi uchata racpi, Jehovaga imasata ancianogunahuan yanapaitucushun
Uchata rac runagunata, Jehovaga caitami cunan: “Congregacionda cuirac ancianogunata cayaichi” nisha (Santiago 5:14, 15ta leipai). Cai huauquigunaga espiritu santohuan shutichishca manaun. Paigunaga Jehovata, paita sirviccunatahuas llaquinaunmi. Chasnallata, Jehovahuan cuti ali amigo tucungahua, ñucanchita yachachisha yanapanata ushanaun (Galatas 6:1).
Iridsa uchata racpi, ancianogunaga imashinata yanapaitucushun. Ishcai o quimsa ancianogunami, ñucanchi uchata rashca, imahua mana ali ashcata intindingahua, Bibliahuan yanapaitucushun. Chimandas, mana cutillata uchaibi urmangahua, alitami cunaitucunchi. Shuc runa iridsa uchata rasha mana aripintiricpiga, ancianoguna chi runata congregacionmanda llucshichingauna, huauqui panigunata cuirangahua.
CAIMANDA MASTA YACHAI
Ñucanchi iridsa uchata racpi, Jehova ñucanchita yanapangahua imata rashcata alita intindisha pagrachui.
3. Ñucanchi ucha rashcata rimanaga Jehovahuan cuti ali amigo tucungahua yanapaitucunchi
Ñucanchi uchata rashaga, Jehovatami mana alita sintichinchi. Chiraicu, ñucanchi uchagunata paita cuintana anchi. Salmo 32:1-5ta leichi, huasha cai tapuimanda cuintanacuichi:
Ñucanchi uchata pacana randi, imahuata Jehovata pagllaibi cuintana anchi.
Ñucanchi ucha rashcata Jehovata cuintashca huasha, alita sintiringahua, ancianoguna ñucanchita yanapanauchun, paigunahuan cuintanacuna anchi. VIDEOTA ricuichi, huasha cai tapuimanda cuintanacuichi:
Videoibi ricushca huauqui Jehovama tigrachun nisha, ancianogunaga imashinata paita yanapanaura.
Ñucanchita yanapachun nisha, ancianogunata ñucanchi uchamanda mana pacashachu rimana anchi. Santiago 5:16ta leichi, huasha cai tapuimanda cuintanacuichi:
Ñucanchi uchamanda mana pacasha pagllai rimacpiga, ancianogunaga yanapanata ushaitucushunzhu. Imahua.
Can uchata rashcamanda Jehovata cuintai, ancianogunahuan camba uchamanda mana pacasha pagllai cuintai, huasha Jehova canda yanapachun saqui.
4. Jehovaga uchata rac runata llaquisha yanapan
Iridsa uchamanda mana aripintiric runa, Jehova mandashcata mana casunata munacpi, congregacionmanda llucshichina an. Chi runahuan mana cuintanacusha purinchichu. 1 Corintios 5:6, 11ta leichi, huasha cai tapuigunamanda cuintanacuichi:
Levadura nishca pulbuga tandata putasyachin. Chasnallata, iridsa uchata rasha mana aripintiric runahuan apanacucpiga, congregacionbi huauquipanigunata pandachinata ushanzhu. Imahua.
Jehova shina, ancianogunaga congregacionmanda llucshichishca runagunata mascanaun, paigunata llaquisha yanapangahua. Chiraicu, maicanguna cutillata congregacionma bulltiamushcauna. Congregacionmanda llucshichina sinzhi acpihuas, uchata ranata saquingahua paigunata yanapashca (Salmo 141:5).
Jehova uchata rac runagunata llaquisha yanapac ashcamanda, imasata paiga alita rashcata, llaquic yaya ashcata ricuchin.
5. Ñucanchi corazonmanda aripintiricpi, Jehovaga perdonaitucunchi
Jesusca shuc runa aripintiricpi, Jehova imasa sintirishcata intindichingahua cuintasha yachachira. Lucas 15:1-7ta leichi, huasha cai tapuimanda cuintanacuichi:
Jesus cuintashcaga Jehovamanda imatata yachachitucunchi.
Ezequiel 33:11ta leichi, huasha cai tapuimanda cuintanacuichi:
Shungumanda aripintirishcata ricuchingahua, imatata rana anchi.
Jehovaga ovejagunata cuirac shina man. Chiraicu, paiba ovejagunata ashcata llaquin.
MAICANGUNAGA CASNAMI NINAUN: “Ñuca uchamanda, ancianogunahuan cuintanata manzhanimi. Ñuca rashcata cuintacpiga, congregacionmanda llucshichihuangauna”.
Maican chasna yuyaupiga, canga paita imatata ninguima.
IMATA YACHASHCANGUI
Iridsa uchata rashca huasha, sirtupacha aripintiricpi, chi uchata mana cutillata rasha caticpi, Jehovaga perdonaitucushunmi.
Yachashcata cuintai
Ñucanchi ucha rashcamanda, imahuata Jehovata cuintana anchi.
Jehova ñucanchi uchata perdonachun nisha, imatata rana anchi.
Iridsa uchata rashca huasha, imahuata ancianogunahua yanapaita tapuna anchi.
CANLLATA MASTA YACHAI
Isaias 1:18 nishca shina, imasa Jehova shuc runahua uchata perdonashcata ricui.
Uchata rac runagunata yanapangahua ancianogunaga imatata ranaun.
“Uchata rac runagunata imasata llaquisha yanapanchi” (La Atalaya, agosto de 2024)
Imasa rashata mana aripintiric runagunatahuas llaquisha yanapanchi.
“Congregacionmanda llucshichishca runagunata imasata yanapanchi” (La Atalaya, agosto de 2024)
“Jehovama bulltianata munarani” nisha cuintashcaibi, Jehova imasa shuc runata paima bulltiangahua yanapashcata yachai.
“Bibliaga runaguna causaita cambian” (La Atalaya, 1 de abril de 2012)