Huañushcagunaga causaringaunachu, imashi

BIBLIAGA CASNAMI NIN

‘Sirtu quirinimi, huañushcaguna cuti causaringaraushcata’ (Hechos 24: 15, El Nuevo Testamento Quichua de Pastaza).

DIOSPA SHIMIMANDA YACHAIGA IMASATA YANAPAI TUCUNGUI

Llaquishca aillu huañucpiga Biblia nishcagunami canta cushiyachisha sinzhiyachinga (2 Corintios 1:3, 4).

Huañunataga mana yapacta manzhanguichu (Hebreos 2:15).

Ailluguna huañucpiga, cuti causaringaunami nisha, shungumanda quirisha chapaungui (Juan 11:23-25).

BIBLIA NISHCATAGA IMARAICUTA QUIRINA ANCHI

Biblia nishcata quiringahuaga, quimsa nishcagunata ricushun:

• Diosga causaita callarichic man. Bibliaga ninmi, Jahovaga “tucui ñucanchi causaitas samaitas [...] cun” nisha (Hechos 17:​24, 25). Diosga tucuigunata, causaita cuc ashcamandaga, huañushcagunata causaita cuti cungahuami ushaita charin.

• Ashca huataguna huashamaga Diosga ñami huañushca runagunata causachira. Bibliaga, pusac runaguna causarishcata ninmi. Cariguna, huarmiguna, huahuahuas causarishcatami yachachin. Chigunaga Allpaibimi causasha catinaura. Chi punzhallata huañushahuas, chuscu punzha huañushca ashahuas causarinaurami (Juan 11:​39-44).

• Diosga huañushca runagunata cuasachingahua munashami chapaun. Jehovaga huañuitaga paiba cuntarta shinami ricun (1 Corintios 15:​26). Cai huanchic cuntartaga huin tucuchinatami munan, caita rangami huañushcagunata causachisha. Diosga munanmi paiba yuyaibi auc huañushcaguna, cuti cai Allpaibi causarinauchun nisha (Job 14:​14,15).