Bibliata estudiasha cati

Bibliata estudianaga ali man, ashcatami yanapan. Chasna acpihuas, imasaibi Bibliata yachasha catina, sinzhi man. Tapuringuichari, Bibliata estudiasha catishachu nisha. Imahuata Bibliata estudianata mana saquina angui. Turmintuguna tiacpihuas, ñaupagma catingahua, imata yanapaitucungui.

1. Imahuata Bibliata estudianaga balishca an

“Diospa shimiga causac, ushayuc asha tucuita ran” (Hebreos 4:​12, TNM). Bibliaga balishca man. Chibi, Dios ñucanchimanda ima yuyashcata, imasa sintishcata riman. Bibliata estudianaga mana yachangahualla chan. Astahuanbas, ali yuyaihuan, cushilla causangahua man. Chasnallata, Bibliaga Jehovahua amigo tucungahua yanapan. Can caran uras Bibliata estudiashaga, Jehova camba causaita alichichun saquiungui.

2. Imahuata Biblia sirtu nishcata yachasha balichina anchi

Biblia yachachishcaga curi cuinta, balishca man. Chiraicu, casna nitucunchi: “Sirtu shimita randishaga ama randichichu” (Proverbios 23:23). Biblia yachachishcata ñucanchi corazonbi charishaga, turmintu shamucpihuas, estudiasha catishun (Proverbios 2:​4, 5​ta leipai).

3. Can Bibliata estudiasha catichun, Jehovaga imatata ranga

Tucui ushayuc Dios Jehova, camba amigo asha, canda ricsisha, paita mas ricsichun yanapanata munan. Diosca “ushaitahuas cunmi, pai ali munashcallata ranauchun nisha” (Filipenses 2:13​ta leipai). Imasaibiga, can yachana munaita charingahua, ima yachashcata pactachingahua, Diosmi yanapanga. Turmintu tiacpi o runaguna llaquichicpihuas, imatas binsingahua Jehovami canda sinzhiyachinga. Bibliata yachasha catingahua, tucui uras Jehovahua yanapaita tapui (1 Tesalonicenses 5:17).

CAIMANDA MASTA YACHAI

4. Bibliata estudiana balishca ashcata ricuchi

Imasaibiga Bibliata estudiangahua tiempota surcuna sinzhi man. Imatata rana anchi. Filipenses 1:10​ta leichi, huasha cai tapuigunamanda cuintanacuichi:

• Camba yuyaibi, imatata mas balichina angui.

• Bibliata estudianata punda churangahua, imatata rana angui.

1. Shuc baldebi tiyuta undachicpiga, mana huin rumiguna chillaita yaicungachu.

2. Chasna ashahuas, rumigunata punda churacpiga, tiyuta undachingahua lugar tianga. Chasnallatami, ñucanchi causaibi ʻtucuimanda mas ali ashcataʼ punda churacpiga, shuc cosascunata rangahua tiempohuas tiangami.

Huingunami Diosta ricsinata, paita adoranata minishtinchi. Bibliata estudiashaga, Dios rimashcata uyanchi. Mateo 4:4​ta leichi, huasha cai tapuimanda cuintanacuichi:

• Bibliata estudianata pundaibi churacpiga, imashinata yanapaitucunchi.

5. Shuccuna Bibliamanda yachanata arcacpihuas yachasha cati

VIDEO: Bibliamanda yachasha ñaupagma catina balishca ara (5:​22)

• Francesco Bibliata yachaushcata ricusha, paiba ailluguna, amigoguna imatata yuyanaura.

• Pai Bibliamanda yachasha ñaupagma catina imahuata balishca ara.

2 Timoteo 2:​24, 25​ta leichi, huasha cai tapuigunamanda cuintanacuichi:

• Can Bibliata yachaushcamanda, camba aillu, amigoguna, imatata yuyanaun.

• Cai versiculo nishca shina, camba aillu o amigoguna, can Bibliata estudianata mana munacpiga imatata rana angui. Imahua.

6. Jehovami canda yanapanga

VIDEO: Jehovami causaita alichingahua yanapaitucunchi (3:​56)

• Videoibi ricushca shina, Jimiga Jehova munashca shina causangahua, imatata rana ara.

• Paihua mana ali causaita alichishcata ricusha, imatata yuyangui.

Hebreos 11:6​ta leichi, huasha cai tapuigunamanda cuintanacuichi:

• Can Jehovata ricsisha mascacpiga, pai canmanda imata ranga.

• Jehovaga can Bibliata estudianata mana saquishcata ricusha imashinata sintirin.

IMATA YACHASHCANGUI

Imasaibiga Bibliata estudiana sinzhi acpihuas, huiñai, cushilla causaita charingahua yanapaitucungui. Jehovata quirisha caticpiga, pai canda yanapanga.

Yachashcata cuintai

• Imahuata Bibliata estudianata balichingui.

• ʻTucuimanda mas ali ashcataʼ yachashaga, canga imatata rana angui.

• Bibliata estudiasha catingahua, imahuata Jehovahua yanapaita tapuna angui.

CANLLATA MASTA YACHAI

Ashca runaguna paiguna tiempo charishcata alita rasha pactachingahua ima yanapashcata ricui.

“Imashinata alita yuyasha ñucanchi tiempota surcuna anchi” (¡Despertad!, febrero de 2014)

Shuc huarmi Diosta cushiyachinata munara. Chasna acpihuas, pai Diosta ricsina munashcata, paihua cari mana intindic chara. Jehova paita imashina yanapashcata ricui.

Ima turmintugunata ahuantangahua Jehovami ursata cuitucunchi (5:05)

Shuc huarmi alita rasha catishca imashina paiba carita yanapashcata ricui.

Sirtu shimita taripasha yacharani (6:30)

Imasaibiga maican runaguna, aillugunata ichuchinaun nisha, testigo de Jehovagunata culpanaun. Chiga sirtu chan.

“Testigo de Jehovagunaga aillugunata caruyachinaunzhu o tandachinaunzhu” (jw.org internet pistuibi)