Jesusca pitan

Huin runaguna Jesusmanda uyashcauna. Paiba shutita yachashahuas, pai imashina ashcata mana yachanaunzhu. Shuccuna randi, Jesusmanda chican chican yuyaita charinaun. Bibliaga paimanda imatata yachachin.

1. Jesusca pitan

Jesusca cieloibi causac, ushayuc angel man. Jehovaga chara mana imatas rashallata, Jesusta punda rara. Chiraicu, Bibliaga nin, “Dios munduta mana rashca agllaita, Jesucristo ñaupapunda churi man” (Colosenses 1:15). Jehova pailla Jesusta rashcamanda, Bibliaga Diospa shuclla churi man nin (Juan 3:16). Jesusca paiba Yaya Jehovahuan tarabara. Jesusca tucuita rangahua Jehovata yanapara (Juan 1:2, 3​ta leipai). Jehova y Jesus alita apanacunaun. Jesusca “Causac Shimi” o Diospa shimita rimacachashca man. Paiga Jehova yachachishcata, imata mandashcata riman (Juan 1:14).

2. Jesusca imahuata cai Allpama shamura

2.000 huata huashama, Jehova paiba espiritu santohuan, shuc milagrota rara. Jehovaga Jesuspa causaita, cielomanda cari illac Maria huarmi huicsaibi churara. Chiraicumi, Jesusca shuc llullucu huahua tucusha llucshira (Lucas 1:34, 35​ta leipai). Jesus, Cristo o Mesias, Dios anllashca ashami, runagunata quishpichingahua cai Allpama shamura.a Tucui Bibliaibi Cristomanda rimashca profeciagunaga, Jesuspi pactarira. Chasnami, huin runaguna, Jesus “quishpichic Cristo, causac Diospa churi” ashcata yachanaura (Mateo 16:16).

3. Jesusca cunan maibitaun

Jesus runa shina huañushca huasha, Dios paita causachira. Cutillata shuc angel tucusha, cieloma sicara. Chibi, “Yaya Diosca paita tucui shutigunamandas mas yali balic mandana shutita cura” (Filipenses 2:9). Cunan, Jesusca shuc ushayuc angel man. Jehovallami paimanda mas ushayuc an.

4. Jesusca Yaya Dios chan

Bibliaga nin, Jesusca cieloibi shuc ushayuc angel ashahuas, paiba Yaya Jehova Diosta casun. Imahuata caita ninchi. VIDEOTA ricuichi. Cai videoibi, Bibliaga Jesus tucui ushayuc Dioshuan mana pariu ashcata intindichin.

VIDEO: Jesusca Yaya Dios chan (3:22)

Cai textoguna yachachitucunchi, Jehovahuan Jesushuan mana pariu ashcata. Caran textogunata leichi, huasha cai tapuigunamanda cuintanacuichi:

Lucas 1:30-32​ta leichi.

• Angel nishca shina, Jesusca “Atun Dios” Jehova shina chan.

Mateo 3:16, 17​ta leichi.

• Jesus bautisariushcai, cielomanda ima rimashcata uyarira.

• Cielomanda pita rimaura.

Juan 14:28​ta leichi.

• Ailluibiga pita mas mandan: churi o yaya.

• Jesusca Jehovata “ñuca Yaya” man nisha, imatata intindichinata munara.

Juan 12:49​ta leichi.

• Jesusca, paillata Yaya Dios ashcatachu yuyara. Canga imatata ningui.

5. Jesusca Dios anllashca Cristo mara

VIDEO: Jesuspi pactarishca profeciaguna (3:03)

Bibliamanda cai profeciagunata leichi, huasha cai tapuigunamanda cuintanacuichi:

Cristo maibi llucshina ashcata yachangahua, Mateo 2:4-6​ta leichi.b

• Jesusta huahuayashcaibichu cai profecia pactarira (Mateo 2:1).

Cristo huañunamanda profeciagunata yachangahua, Salmo 34:20 y Juan 19:37​ta leichi.

• Cai profeciaguna pactarirachu (Juan 19:33-37).

• Jesus cai profeciaguna pactarichun, imahuata mana imatas ranata ushara.

• Caiga, imatata Jesusmanda yachachitucungui.

IMATA YACHASHCANGUI

Jesusca ushayuc angel, Diospa churi, Cristo man.

Yachashcata cuintai

• Bibliaga imahuata Jesusta “ñaupapunda churi” man nin.

• Jesusca cai Allpama mana shamushallata imatata rac ara.

• Imashinata yachanchi, Jesus Cristo ashcata.

CANLLATA MASTA YACHAI

Jesusca Cristo ashcata alita yachangahua masta ricui.

“Bibliamanda profeciaguna, Jesusca Cristo ashcatachu ricuchin” (jw.org internet pistuibi)

Shuc yaya huahuata charishca cuinta, Jehovaga Jesuspa yaya tucura. Biblia caimanda yachachishcata ricui.

“Imahuata Bibliaga Jesusta Diospa churi man nin” (jw.org internet pistuibi)

Trinidad o yaya, churi, espiritu santo shuclla Dios ashcata, Bibliaibi mana yachachishcata ricui.

“Jesusca Dios chan” (La Atalaya, 1 de abril de 2009)

Bibliaibi Jesusmanda yachashca, imashina shuc huarmi causaita cambiachishcata leipai.

“Imahuata shuc judio huarmi Jesuspi quiringahua callarira” (¡Despertad!, mayo de 2013)