LECCIÓN 3

Edén huertapica Adán Evaca ¿ima shinashi causarca?

Diosca tucui ima minishtirishcatami Adán Evamanca curca (Génesis 1:28)

Jehová Diosca Eva huarmita ruhuashpaca Adanmanmi curca

Jehová Diosmi Eva huarmitaca ruhuarca. Evami cai allpapica punta huarmi carca. Jehovami Evataca Adanpac huarmi cachun curca (Génesis 2:21, 22).

Jehová Diosca Adanta Evata ruhuashpaca jucha illactami ruhuarca. Chaimantami paicunaca imata ruhuashpapish imata yuyashpapish tucuita alli ruhuai pudirca.

Adanpish Evapish sumac causaitami Edén huertapi ricucun

Paicunaca Edén nishca sumac huertapimi causarcacuna. Chaipica jatun yacucuna, yuracuna, animalcunapish tiyarcami. Chai pushtuca sumaimanami carca.

Jehová Diosmi Adanman Evamanpish ima shina causanata yachachirca. Chaimantami chaipi unai unaicaman causasha nishpaca, Diosta uyashpa cazuna carca.

Diosca shuc yuramantami ama micuchun mandarca (Génesis 2:16, 17)

Jehová Diosca Adán Evataca chai huertapi tiyac shuc yuramanta ama micuchun mandarca

Shuc angelmi Diosta mana cazushpa paipac contra tucurca. Chai millai angeltami Satanás, Diablo nin.

Diablo, chai millai angelca, shuc culebratami Evahuan parlachingapac utilizacun

Jehová Diosmi Adán Evata mandarca huerta chaupipi cac yuramanta ama micuchun. Chai yuramanta micushpaca huañunguichictacmi nirca.

Diabloca Diosta mana cazuchun munashpami shuc culebrata rimachishpa Evata pandachirca. Diabloca nircami chai yurapi pucushcamanta micushpaca mana huañunguichicchu. Ashtahuanpish Dios shinami tucunguichic. ¡Chaica jatun llullami carca! (Génesis 3:1-5).