Diablota uyashcamantaca ¿ima llaquitac tucurca?

Diosta mana cazushcamantami Adán Evapish huañurca (Génesis 3:6, 23)

Eva huarmica culebrata cazushpami, Dios ama micuchun nishca yuramanta micurca. Chai quipaca Adanman micuchun curca, paipish micurca.

Jehová Dios mandashcata mana cazushcami, jatun jucha carca. Chaimantami Taita Diosca chai huertamanta Adán Evata llucchishpa cacharca.

Chai punzhamantami paicunaman paipac huahuacunamanpish causaica sinchi tucurca. Huatacuna pasacpica, mayoryashpa huañurcacuna. Huañushpaca ni cieloman, ni maimanpish mana rircachu. Chaipimi tucurirca.

Huañushcacunaca allpami tucun. Imatapish mana ruhuai pudinchu (Génesis 3:19)

Adán Evapac huahuacuna cashcamantami, tucuicuna huañuna canchic. Huañushpaca ña imatapish mana ruhuai pudinchu (Eclesiastés 9:5, 10).

Gentecuna huañuchunca Diosca mana munarcachu. Chaimanta ñallami huañushcacunata causachinga. Causarishcacunaca Diostami cazuna can. Cazushpaca cutinca ña mana huañungachu.