LECCIÓN 6

Yacu juizhuhuanmi millai gentecuna tucurirca. Cunanca ¿tucuringachu?

**Diosca mana cazuc gentecunatami tucuchirca, shina cashpapish Noetapish paipac familiatapish quishpichircami (Génesis 7:11, 12, 23)**

Huambuna huasi huambui callaricpica millai gentecunaca yacupi ahuarin, cutin millai angelcunaca aichayuc runa tucushcata saquishpami rin

Cai allpapica 40 punzha 40 tutatami tamyashca. Shina tamyashpa yacu jundacpimi tucui millai gentecunaca huañurca.

Chai millai angelcunaca aicha cuerpota saquishpami Diablohuan tandanacurca. Chaicunatami cunanca supaicuna nin.

Noé paipac familiandi, animalcunandi huambuna huasimanta llucshicpica shuc cuichimi cielopi ricurin

Noeca paipac familiandi huambuna huasipi cashcamantami mana huañurca. Shinapish huatacuna quipamanca huañurcacunami. Shina cacpipish Jehová Diosca huañuimanta paicunata causachicpica unai unaicamanmi causanga.

Diosca cutinmi millai gentecunataca tucuchinga, paita cazuccunallatami quishpichinga (Mateo 24:37-39)

Diablopish supaicunapish gentecunata pandachingapacca imapish ruhuaicunatami utilizan

Diablopish supaicunapish cunan punzhacunapica ama Jehová Diosta uyachunmi gentecunataca pandachicun.

Cunan punzhacunapipish achca gentecunami, Noepac punzhacunapi shina mana Diosta uyashun nincuna. Chaimantami Jehová Diosca ñalla chai millai gentecunataca tucuchinga (2 Pedro 2:5, 6).

Jehová Diosmanta Huillaccunaca shuc runaman huillangapacca Bibliatami utilizan; shuc runaca Bibliatami liyin

Jehová Diosmanta Huillaccunami cunan punzhacunaca Noé shina Dios mandashcacunata pactachicuncuna.