LECCIÓN 9

¿Ima shinatac yachanchic allpaca ñalla sumaimana tucunata?

Cunan punzhacunapi llaquicunata ricushpami Diospac Mandana ñalla mandai callarinata yachanchic (Lucas 21:10, 11; 2 Timoteo 3:1-5)

Tucuri punzhacunapi llaquicunaca: cullquimanta pucllana, macanacuicuna, yarcaicuna, unguicuna, taita mamata mana cazuna, imatapish mana jarcaric cana

Utcamanta pachami Bibliapica cunan punzhacunapi ima tucuna cashcataca huillacushca. Huahuacunaca taita mamata mana cazuccuna, millaita ruhuashpa cushicuccuna, cullquita ashtahuan charinata munaccunami tiyanga nicun.

Ashtahuanpish chai punzhacunapica allpa chucchuicuna, jatun macanacuicuna, yarcaicuna, unguicuna tiyana cashcatami nicun. Chai nishcaca cunan punzhacunapi ña pactaricushcatami ricunchic.

Shuc Jehová Diosmanta Huillacmi shuc runaman Diospac Mandanamanta alli huillacunata huillan

Jesusca nircami Dios Mandanamanta alli huillaica tucui muyundi allpapimi huillashca canga (Mateo 24:14).

Diospac Mandanami tucuilaya llaquicunata tucuchinga (2 Pedro 3:13)

Jatun Armagedón macanacuipimi millaicunata tucuchin, quipaca Dioblota, paipac supaicunatapish tucuchin

Jehová Diosca ñallami tucui millai gentecunata tucuchinga.

Diablopish paita catic supaicunapish llaquichishcami canga.

Jesús jahua cielo pai Mandanapi tiyaricpica, tucuilaya gentecunami cushicunga

Diosta cazuc gentecunallami cai allpapica cuyanacushpa, cushilla, allita ruhuashpa causanga. Chaipica ña imata mana manchangacunachu. Tucuicunami alli apanacunga.