¿Ima alli noticiacunatac ñucanchicmanca tiyan?

1. Diosca ¿ima alli noticiacunatatac ñucanchicmanca charin?

Diosca gentecuna cushilla causachunmi munan. Ñucanchicta cuyashcamantami cai allpatapish, tucui ima tiyashcacunatapish ruhuashca. Chairicumi gentecuna cushilla causachunca tucui llaquicunata tucuchishpa alli causaita cunga. Jeremías 29:11-ta liyi.

Cai tucui gobiernocunamantaca ni shuc gobiernollapish macanacuicunata, unguicunata, huañuicunataca mana tucuchi pudishcachu. Shinapish alli noticiacunami tiyan: ñallami Diosca tucui gobiernocunata tucuchishpa shuc alli gobiernota churanga. Chaipimi cushilla, mana ungushpa causashun. Isaías 25:8; 33:24; Daniel 2:44-ta liyi.

2. ¿Imamantatac cai noticiacunaca alli can?

Ima llaqui ama tiyachunmi Diosca cai allpapi tucui millai gentecunata tucuchinga (Sofonías 2:3). ¿Ima horastac chaitaca ruhuanga? Cunan punzhacunapi ima llaquicuna tiyanataca Bibliaca ñami huillarca. Tucui chaita ricushpami Taita Dios ñalla llaquicunata tucuchina cashcata yachanchic. 2 Timoteo 3:1-5-ta liyi.

3. Ñucanchicca ¿imatatac ruhuana canchic?

Bibliapimi Taita Diosmanta ashtahuan yachacuna canchic. Bibliaca shuc taita paipac huahuacunaman cachashca cartalayami can. Bibliapimi cunan punzhacunapi ima shina cushilla causanata, quipa punzhacunapi unai unaicaman causangapac imata ruhuana cashcatapish yachachin. Bibliata yachacuchunca mana tucuicunachu munanga. Pero ama manchanguichu. Quipa punzhacunapi ima japinami ashtahuan valin. Proverbios 29:25; Apocalipsis 14:6, 7-ta liyi.