¿Pē hē koe e haka roŋo ena ki te ꞌAtua?

Hai tāꞌana puka te ꞌAtua e vānaŋa mai nei ki a tātou (2 Timoteo 3:16).

Te ꞌAtua mau ko vae ꞌā i te taŋata mo pāpaꞌi i tōꞌona manaꞌu, ꞌi ruŋa tāꞌana puka. Puka nei he Puka o te ꞌAtua. ꞌI ruŋa i nei puka te meꞌe hopeꞌa o te nui-nui, ꞌe ko haŋa ꞌā e te ꞌAtua, mo ꞌite e tātou.

Te ꞌAtua ko ꞌite ꞌā he aha te meꞌe hopeꞌa o te riva mōꞌou, ꞌo te ai ko ia te tumu o te mārama-rama. Mo haka roŋo ōꞌou i tāꞌana vānaŋa, he maꞌa tuꞌu ꞌite (Proverbios 1:5).

Ko haŋa ꞌā te ꞌAtua mo taiꞌo e te nuꞌu i tāꞌana puka. ꞌO ira i huri ai ki te rauhuru tumu ꞌarero.

Mo haŋa ōꞌou mo haka roŋo ki te ꞌAtua e taiꞌo ꞌe e aŋi-aŋi riva-riva tāꞌana puka.

Nuꞌu o te ao taꞌatoꞌa nā e haka roŋo mai ena ki te ꞌAtua (Māteo 28:19).

Te taŋata haka ꞌite o ruŋa o Iehoha, e riva nō mo hāꞌūꞌū atu mo aŋi-aŋi ōꞌou i te Puka o te ꞌAtua.

A rāua e hāpī rō ꞌā i te parautiꞌa o ruŋa i te ꞌAtua ꞌi te ao taꞌatoꞌa.

Mo rao ōꞌou koia ko te taŋata haka ꞌite o ruŋa o Iehoha, ki te rāua koro paina piri, he ꞌata ꞌite koe o ruŋa i te ꞌAtua. Taꞌatoꞌa meꞌe ka hāpī atu era, ꞌina koe e ko ꞌauhau.