¿Ko ai te ꞌAtua mau?

E tahi nō ꞌAtua mau, tōꞌona ꞌīŋoa ko Iehoha (Salmo 83:18). A ia he kuhane, ꞌo ira e taꞌe takeꞌa ena e tātou. Te ꞌAtua e here rō ꞌā ki a tātou ꞌe ko haŋa ꞌā mo here tātou ki a ia. Ko haŋa takoꞌa ꞌā mo here tātou ki tētahi (Māteo 22:35-40). ꞌIna e tahi kope o ruŋa i te raŋi ꞌe o ruŋa i te henua ꞌata nui-nui ki a ia, ꞌo te ai ꞌāꞌana i aŋa te meꞌe taꞌatoꞌa.

Te meꞌe raꞌe i aŋa e te ꞌAtua he merahi pūai e tahi, ꞌi ꞌaŋanīrā ko aŋi-aŋi ꞌā e tātou rā merahi ko Ietū. Te ꞌAtua ko aŋa takoꞌa ꞌā tētahi merahi.

A Iehoha i aŋa te meꞌe taꞌatoꞌa o ruŋa i te raŋi . . . ꞌe te meꞌe taꞌatoꞌa o ruŋa i te ao (Meꞌe Haka Takeꞌa 4:11).

A Iehoha i aŋa te raŋi, te ao taꞌatoꞌa ꞌe te meꞌe o ruŋa i a ia (Génesis 1:1).

Mai roto i te ꞌōꞌone a ia i aŋa ai te taŋata raꞌe, ko ꞌĀtamu tōꞌona ꞌīŋoa (Génesis 2:7).