HĀPĪ 9

¿A hē te henua ka riro he henua nehe-nehe?

Te ꞌati o te hora nei ko haka takeꞌa mai ꞌā, nā te Haka Tere o te ꞌAtua ko hāhine ꞌā (Ruka 21:10, 11; 2 Timoteo 3:1-5).

Te ꞌati e takeꞌa nei e tātou i te ŋā mahana hopeꞌa o te ao nei: he kori mo ravaꞌa i te moni, tamaꞌi, māui-ui, maruaki o te taŋata, taꞌe haka roŋo ki te matuꞌa ꞌe te tōtōā ki te huaꞌai

Mai muꞌa ꞌā te Puka o te ꞌAtua i kī ai o ruŋa i te ꞌati takeꞌa nei e tātou ꞌi ꞌaŋanīrā. Pē nei i kī ai, te ŋā poki e ko haka roŋo ki te rāua matuꞌa, te taŋata he rake-rake nō te meꞌe ka aŋa era, ꞌe he here ki te moni ꞌe ki te reka.

Pē ira ꞌā, ko kī takoꞌa ꞌā e te Puka o te ꞌAtua, he mākenu-kenu ꞌe ŋāꞌaha-ꞌaha te henua, he oŋe te kai, ꞌe he ai te rauhuru māui-ui. ꞌĪ te meꞌe takeꞌa nei e tātou ꞌi ꞌaŋanīrā.

He taŋata haka ꞌite o ruŋa o Iehoha e vānaŋa ꞌā o ruŋa i te parau ꞌāpī riva-riva o te Haka Tere o te ꞌAtua ki te taŋata e tahi

Ko kī ꞌā e Ietū, te roŋo riva-riva o te Haka Tere o te ꞌAtua, he tātara ki te taŋata o te ao taꞌatoꞌa (Māteo 24:14).

Mo te Haka Tere o te ꞌAtua e haka kore tahi te ꞌino ꞌe te rake-rake o te henua (2 Pētero 3:13).

He haka kore te taŋata rake-rake i Armagedón ꞌe ki oti he haka ūtuꞌa i te Tātane ꞌe tāꞌana vārua rake-rake

ꞌIna he hora toe, nā Iehoha he haka kore tahi te nuꞌu rake-rake taꞌatoꞌa.

Te Tātane koia ko tāꞌana vārua rake-rake he haka kore tahi.

He noho a Ietū ꞌi ruŋa i tōꞌona pepe ꞌariki ꞌi ruŋa i te raŋi, he taŋata o te rauhuru hau e koa rō ꞌana

ꞌI ruŋa i te henua, he ī te here, te haumārū, ꞌe te haka tere tī-tika, ꞌe ꞌina e ko riꞌa-riꞌa haka ꞌou te taŋata. He riro tahi he repahoa. Mo te taŋata haka roŋo ki te ꞌAtua e noho ꞌi ruŋa.