¿He aha te hauhaꞌa riva o te ꞌAtua mo te taŋata haka roŋo ki a ia?

Te rahi o te nuꞌu mate he ora haka ꞌou ꞌi ruŋa i te henua (Aŋa o te ꞌĀpōtoro 24:15).

Ka haka topa te manaꞌu o te meꞌe riva ka ravaꞌa ena e koe o te haka roŋo ki a Iehoha: ¡E ko māui-ui koe! Takoꞌa, he riva koe mo riro he repahoa o te nuꞌu o te ao taꞌatoꞌa, ꞌi te ai ꞌina e tahi nuꞌu rake-rake.

He kore te mamae, te taŋi-taŋi. E ko korohuꞌa te taŋata, ꞌina e ko rūꞌau te ŋā viꞌe. E ko mate haka ꞌou te taŋata.

He ŋaroꞌa koe ko tuꞌu repahoa ꞌe ko tuꞌu huaꞌai te ora ka noho ena ꞌi ruŋa i te henua, ka haꞌariro ena he henua nehe-nehe.

ꞌIna he taŋata e ko riꞌa-riꞌa haka ꞌou. He koa nō te meꞌe ka piri era ki rā nuꞌu.

Te Haka Tere o te ꞌAtua he haka kore tahi te mamae (Meꞌe Haka Takeꞌa 21:3, 4).