¿Pē hē te huru o te noho iŋa ꞌi te henua nehe-nehe ꞌi muꞌa ꞌā?

Ko vaꞌai ꞌā Iehoha te rauhuru meꞌe riva ki a ꞌĀtamu ararua ko Eva (Génesis 1:28).

A Iehoha i aŋa te viꞌe raꞌe ko Eva, ꞌe he toꞌo mai he vaꞌai ki a ꞌĀtamu mo riro he viꞌe ꞌāꞌana (Génesis 2:21, 22).

Hai hara kore i aŋa ai e te ꞌAtua i a ꞌĀtamu ararua ko Eva. Te rāua manaꞌu, rāua hakari ꞌina e tahi hape.

A rāua ꞌi ruŋa i te henua nehe-nehe e noho era, rā henua he kona tau e tahi. ꞌI rā kona e tere rō ꞌā te vai mai ruŋa i te maꞌuŋa, takoꞌa e ai rō ꞌā huru kē huru kē tumu, ꞌe rauhuru manu tere henua. Rā kona ko Edén tōꞌona ꞌīŋoa.

A Iehoha e vānaŋa rō ꞌā ki a rāua ꞌe e hāpī rō ꞌā te rauhuru meꞌe. Mo haŋa o rāua mo ora mo oho rō ꞌai ꞌi rā henua nehe-nehe, e haka roŋo ki te ꞌAtua ꞌe e aŋa i tāꞌana meꞌe haŋa.

Ko uŋa ꞌā e te ꞌAtua mo taꞌe kai mai ruŋa i te tumu e tahi (Génesis 2:16, 17).

E ai rō ꞌā e tahi tumu tapu o roto i te kona nehe-nehe nei. ꞌO ira i kī ai e te ꞌAtua ki a ꞌĀtamu rāua ko Eva, mo taꞌe kai te meꞌe o ruŋa o rā tumu, ꞌo mate rō rāua.

E tahi merahi i pātoꞌi ki te ꞌAtua. Te merahi rake-rake nei he Tātane.

ꞌIna he Tātane kai haŋa mo haka roŋo e rāua ki a Iehoha. A roto i te kōreha e tahi i reo-reo ai ki a Eva pē nei ē, ꞌina rāua e ko mate mo kai mai ruŋa i rā tumu tapu era, ꞌe he riro rāua pa he ꞌAtua. ¡Ko te reo-reo! (Génesis 3:1-5).