¿Pē hē koe e uꞌi ena i te Puka o te ꞌAtua?

TE MEꞌE KĪ E TE PUKA O TE ꞌATUA

“Te meꞌe taꞌatoꞌa kī ꞌi ruŋa i te Pāpaꞌi Moꞌa [Puka o te ꞌAtua] he meꞌe haka ꞌite mai e te ꞌAtua” (2 Timoteo 3:16).

TE HAUHAꞌA MO RAVAꞌA

He pāhono hai parautiꞌa ki te ꞌui nui-nui o te taŋata (Proverbios 2:1-5).

He haka tere tī-tika i a koe paurō te mahana (Salmo 119:105).

He rāveꞌa riva-riva pe muꞌa ka oho ena (Rōmano 15:4).

¿HE PARAUTIꞌA MAU ꞌĀ TE MEꞌE KĪ E TE PUKA O TE ꞌATUA?

ꞌĒ-ē, ꞌī he tapa atu e toru parautiꞌa:

• ꞌIna e tahi ꞌāꞌana vānaŋa mo hape. Hoꞌe taꞌutini ono hānere matahiti i pāpaꞌi i oho mai ai te Puka o te ꞌAtua e te 40 taŋata. ꞌE rā ŋā nuꞌu pāpaꞌi era i nei puka ꞌina kai māhani i a rāua, nō atu nei meꞌe, te Puka o te ꞌAtua ꞌina he hape ꞌe e tahi nō tumu manaꞌu.

• Te taŋata pāpaꞌi era i nei puka ꞌina kai naꞌa e tahi meꞌe. Te taŋata pāpaꞌi i te ꞌaꞌamu tuai o te rauhuru kāiŋa, he meꞌe riva-riva nō te meꞌe pāpaꞌi, te meꞌe rake-rake he naꞌa. ꞌE te nuꞌu pāpaꞌi era i te Puka o te ꞌAtua, ꞌina kai naꞌa i te rāua hape ꞌe i te hape o te rāua kāiŋa hora pāpaꞌi era i nei puka (2 Crónicas 36:15, 16; Salmo 51:1-4).

• Te meꞌe kī e te Puka o te ꞌAtua ꞌina kai hape ꞌi muꞌa ꞌā ꞌe e ko hape pe muꞌa ka oho ena. Ko kī era ꞌā e te Puka o te ꞌAtua 200 matahiti a tuꞌa pē nei ē, he haka kore a Babilonia (Isaías 13:17-22). ꞌE i kī takoꞌa rō pē hē ka haka kore era, ꞌe mā ꞌai e haka kore (Isaías 45:1-3).

  ꞌE tētahi meꞌe kī e te Puka o te ꞌAtua ko haka tano tahi ꞌana ki ruŋa i te hau, ꞌina e tahi meꞌe i hape. ¿Taꞌe ko te meꞌe nei te meꞌe haŋa o tātou mo ravaꞌa, mai ruŋa i te Puka o te ꞌAtua? (2 Pētero 1:21).