KAU 8
A JOSIA I KIMI RŌ TE REPAHOA TANO MO PIRI KI A ĪA
¿Ki tuꞌu manaꞌu, aŋa riꞌa-riꞌa mo aŋa i te meꞌe titīka?... Te rahi o te taŋata e manaꞌu ena aŋa riꞌa-riꞌa. E te Puka o te ꞌAtua, e hāpī rō mai ꞌā, meꞌe taꞌe aŋa rahi. I ruŋa e eꞌa rō ꞌā te ꞌaꞌamu o te poki e tahi ko Josia. A īa i haka ꞌuhu rō mo aŋa, e mo haka tere a te huru haŋa o Iehoha. Te meꞌe i haꞌūꞌū ki a īa mo aŋa peira, he piri ki te repahoa here ki te ꞌAtua. Mai ki hāpī tātou o ruŋa o Josia, e o ruŋa i taꞌana ŋā repahoa riva-riva era.
Te ꞌīŋoa o te matuꞌa tane o Josia ko Amón, e ko īa te ariki o Judá. A Amón kope hopeꞌa o te rake-rake, e ki te ꞌatua reo-reo e tutūri era. I mate era a Amón, he riro a Josia he ariki o Judá. ¿Ko ꞌite ꞌā koe e hīa matahiti o Josia hora haka ariki era? ¡E vaꞌu nō ꞌoꞌona matahiti! ¿I aŋa rō a īa pahe huru aŋa era o toꞌona matuꞌa?... ꞌIna, ꞌina kai aŋa pē toꞌona matuꞌa.
Kī ꞌā e Sofonia ki te taŋata, he meꞌe rake-rake mo tutūri ki te ꞌatua reo-reo
Mai toꞌona iti-iti haŋa ꞌā, a Josia i haŋa ai mo aŋa i te meꞌe haŋa o Iehoha. Oīra i kimi ai hai repahoa riva e here ki te ꞌAtua. Toꞌona repahoa i haꞌūꞌū rō mo riva ꞌoꞌona mo haka roŋo ki te ꞌAtua. Mai ki hāpī tātou o ruŋa i te repahoa e rua o Josia.
E tahi o tū repahoa era, ko Sofonia. A īa nei, he taŋata vānaŋa i te roŋo o Iehoha ki te nunaꞌa era o Judá. Te meꞌe i kī mo rā nuꞌu, mo tutūri mo oho rāua ki te ꞌatua reo-reo, he meꞌe rake-rake nō te meꞌe ka piri era. ¿He aha te meꞌe a Josia i aŋa? ¿I haka roŋo rō te vānaŋa a Sofonia? E ē, oīra a īa ki a Iehoha nō e haka roŋo era e taꞌe ki te ꞌatua reo-reo.
A Jeremia he repahoa haka ꞌou o Josia. Ko tū matahiti ꞌā ararua. I nui-nui i oho mai era ararua e hahine nō ꞌā te rāua kona noho. A Jeremia rāua ko Josia i haꞌūꞌū rō i a rāua ꞌā mo haka roŋo e mo aŋa te meꞌe haŋa a Iehoha. A rāua he repahoa nui-nui. Hora mate era o Josia, he haka tikeꞌa e Jeremia i toꞌona mamāe hai papaꞌi i te himene e tahi.
A Jeremia e a Josia i haꞌūꞌū rō i a rāua ꞌā mo aŋa te meꞌe haŋa o Iehoha
¿He aha te meꞌe o tātou mo hāpī o ruŋa i a Josia?... Te meꞌe haŋa ꞌaꞌana mai toꞌona iti-iti haŋa ꞌā, he haka roŋo ki te ꞌAtua. A īa i aŋa rō peira hai kimi i te repahoa riva e here ki a Iehoha pe īa ꞌā. ¿Haŋa rō koe mo aŋa te meꞌe haŋa a Iehoha? Mo ai peira e kimi hai repahoa here ki te ꞌAtua nō.
MAI KI TAIꞌO I RUŊA I TE PUKA O TE ꞌATUA:
2 Crónicas 33:21-25; 34:1, 2; 35:25