¿He aha te meꞌe piri mai e mate ena?

Te mate taꞌe he ora. Te mate pahe hora ena ko paŋahaꞌa ꞌā tuꞌu haꞌuru (Juan 11:⁠11-14). Te nuꞌu mate e ko riva mo haka roŋo, mo uꞌi, mo vānaŋa ꞌe mo manaꞌu e tahi meꞌe (Eclesiastés 9:⁠5, 10). Te hare pure taꞌe parautiꞌa e kī era, te nuꞌu mate he oho ki te aro era o te vārua, mo noho koīa ko tōꞌona tupuna. Taꞌe ko te meꞌe nei te meꞌe hāpī e te Puka o te ꞌAtua.

Te taŋata ko mate ꞌā, e ko riva mo hāꞌūꞌū ꞌe mo tōtōꞌā i a koe. Rahi nō te taŋata e manaꞌu ena, te huaꞌai mate o rāua e riva nō mo vānaŋa ki a rāua ꞌe mo nonoꞌi mo aŋa e tahi meꞌe. Te manaꞌu reo⁠-⁠reo nei, mai te Tātane i oho mai ai, oīra e taꞌe haŋa ena e Iehoha. Te parautiꞌa, te taŋata ko mate ꞌā, e ko riva mo vānaŋa atu ꞌe mo haka koa koe i a rāua, i te meꞌe era ko mate ꞌā. ꞌIna koe ko riꞌa⁠-⁠riꞌa ki te nuꞌu mate, ꞌe ꞌina koe ko haꞌatura ki a rāua, ki te ꞌAtua nō koe ana haꞌatura (Mateo 4:⁠10).

Te nuꞌu mate he ora haka ꞌou. A Iehoha pē muꞌa ka oho ena, he haka ꞌara i te nuꞌu mate mo ora ꞌe mo noho i ruŋa i te henua nehe⁠-⁠nehe (Juan 5:⁠28, 29; Hechos 24:⁠15). Pehe huru haka ꞌara ena e koe i te nuꞌu era ko haꞌuru ꞌā, te ꞌAtua e riva nō mo haka ꞌara i te nuꞌu era ko mate ꞌā (Marcos 5:⁠22, 23, 41, 42).

Te manaꞌu era ꞌina tātou he mate he reo⁠-⁠reo, o te Tātane te aŋa mo manaꞌu tātou peira. Te Tātane koīa ko tāꞌana vārua rake⁠-⁠rake he haka manaꞌu ki te nuꞌu pe nei ē, te vārua o te nuꞌu mate e ora rō ꞌā, he haka maiūi i a koe, ꞌe he haꞌaꞌī atu hai ꞌati. Te Tātane he reo⁠-⁠reo ki te taŋata a roto i te moe vārua, ꞌe takoꞌa a roto i te uruŋa. Oīra, he enemī mau a Iehoha te taŋata haŋa mo vānaŋa ki te nuꞌu mate (Deuteronomio 18:⁠10-12).