KAU 14
Te ŋaruhoa o te ꞌAtua ꞌina he aŋa i te meꞌe rake-rake
Te Tātane he māma i a koe mo aŋa i te meꞌe rake-rake. Mo haŋa ꞌoꞌou mo riro he ŋaruhoa o te ꞌAtua, ꞌina koe ko haŋa te meꞌe taꞌe haŋa o Iehoha (Salmo 97:10). I he tapa he oho atu te meꞌe mo taꞌe aŋa te ŋaruhoa o te ꞌAtua:
Hara taiꞌata. “ꞌIna koe ko moe ki te kope haīpoīpo”. (Éxodo 20:14.) Meꞌe rake-rake takoꞌa he moe ki te rua, kai haīpoīpo hīa (1 Corintios 6:18).
Taꞌero. Te “Taꞌero e ko oꞌo ki te haka tere o te ꞌAtua” (1 Corintios 6:10).
Tiŋaꞌi taŋata e he haka poreko poki. “ꞌIna koe ko tiŋaꞌi”. (Éxodo 20:13.)
Toke. “ꞌIna koe ko toke”. (Éxodo 20:15.)
Reo-reo. Meꞌe taꞌe haŋa a Iehoha he “ꞌarero reo-reo” (Proverbios 6:17).
Rava moto ꞌe he riri-riri taꞌe neki a tuꞌa. A Iehoha “ꞌIna e tahi haŋa ki te nuꞌu rava moto” (Salmo 11:5). I roto i te “Hara taŋata [...] he ŋaꞌaha i te riri taꞌe tano” (Gálatas 5:19, 20).
Kori ki te moni. “Ka noho te piri te oho ki te nuꞌu [...] tuꞌu [...] pahe taŋata nou-nou”. (1 Corintios 5:11.)
Enemī ki te rua hau. “E here e oho ki te kōrua toꞌa ꞌe e pure mo te nuꞌu tute i a kōrua”. (Mateo 5:43, 44.)
Te meꞌe kī mai e te ꞌAtua mo te tātou riva. Meꞌe aŋa rahi mo haka rē te aŋa i te meꞌe rake-rake, ꞌe hai hāꞌūꞌū o Iehoha koīa ko tāꞌana Taŋata haka ꞌite o ruŋa i a Īa, e riva nō koe mo haka rē taꞌatoꞌa nei aŋa taꞌe haŋa o te ꞌAtua (Isaías 48:17; Filipenses 4:13; Hebreos 10:24, 25).