¿He aha tātou meꞌe mo aŋa mo haka koa ki te ꞌAtua?

ꞌIna koe ko aŋa te meꞌe taꞌe haŋa o te ꞌAtua (1 Kōrinto 6:9, 10).

Mo here tātou ki te ꞌAtua ꞌina ko aŋa tāꞌana meꞌe taꞌe haŋa.

A Iehoha ꞌina kai haŋa mo toke o tātou, mo taꞌero ꞌe mo ꞌomo, mo ꞌo-ꞌoka, mo unu i te rauhuru meꞌe haka rere i te taŋata, pa he puhi.

He enemī mau o te ꞌAtua mo tiŋaꞌi te poki kai poreko ꞌā, te moe o te taŋata ki te rua taŋata, te moe o te viꞌe ki te viꞌe ꞌā. Takoꞌa meꞌe taꞌe haŋa o te ꞌAtua mo here ki te moni ꞌe mo moto.

ꞌIna tātou ko tū-turi, ko pure, ki te meꞌe tarai e te taŋata. ꞌE ꞌina ko tohu ꞌe tahu-tahu.

Te nuꞌu aŋa i te meꞌe pē ira, ꞌina e ko noho ꞌi ruŋa i te henua ka haꞌariro ena he kona nehe-nehe e tahi.

E aŋa tātou i te riva ki tētahi (Māteo 7:12).

Koa rō ꞌā Iehoha mo haka ꞌuhu o tātou mo tuꞌu pa he huru era ōꞌona.

E riro koe he taŋata riva ꞌe ꞌina koe ko ꞌōhumu. Mo aŋa koe pē ira e haka takeꞌa ꞌā koe i tuꞌu here mo tētahi.

ꞌIna koe ko toke.

ꞌIna koe ko maꞌu i te riri.

Ka vānaŋa koe ki tētahi o ruŋa o Iehoha (Isaías 43:10).