Luk

5 In jour, dann bor lo lak Jénézarèt, in foul domoun té kosté pré mèm koté Jézu é té pou ékout ali koz èk zot su la parol Bondié. 2 Li la vu dé bato, kosté su lo bor lo lak, é bann péchèr té fine sort dédan, é zot té pou nétoiy zot filé. 3 Li la mont dan in bato, sak Simon, é li la domand Simon avans inn ti pé pli loin dann lo. Aprésa li la asiz, é dépi dann bato, li la komans aprann tout sak té la bonpé zafèr. 4 Kan li té fini kozé, li la di Simon : « Avans ousa d’lo lé kré, é la larg zot filé pou péché. » 5 Simon la répond ali : « Lamontrèr,nou la travay tout la nuit mé poison la pa béké. Mé parské sé ou i domand, moin va larg lo bann filé. » 6 É la, kan zot té fine fé sa, zot la trap in tralé poison. An vré, zot filé té pou déchiré. 7 Alor zot la kri sak té travay avèk zot dan lot bato, pou ni done azot in kou d’min. Banna la ni, é lé dé bato la komans koulé tèlman té tro plin. 8 Kan Simon Pièr la vu sa, li la tonb ajnou dovan Jézu é li la di ali : « Rès pa koté moin Ségnèr, parské moin néna tro péché. » 9 Parské Simon èk tout sak té ansanm li té sézi akoz lo gran kantité poison zot la trapé. 10 Lé té parèy pou Jak é Jan, lé dé garson Zébédé, sak té travay èk Simon. Mé Jézu la di Simon : « Pa bézoin ou la pèr. Apartir jordi, sé domoun vivan ou sa péché. » 11 Alor zot la ramèn bann bato atèr, zot la larg tout la mèm é zot la suiv ali. 31 Jézu la répond azot :« Lé pa domoun ké lé bien ké la bézoin in doktèr, mé sak lé malad. 32 Sé pa bann jus, mé sé bann péchèr ma la ni di azot i fo zot i chanj.