14-20 JULIÉ
PROVÈRB 22
Kantik 79 èk la priyèr | Dé ti parol pou komansé (1 min)
1. Bann prinsip saj pou éduk marmay
(10 min)
Prépar zot marmay pou bann situasion difisil dan la vi (Prov 22:3 ; w20.10-F 27 § 7).
Komans éduk azot kan zot lé ankor inn ti baba (Prov 22:6 ; w19.12-F 26 § 17-19).
Rodrès zot fason aji, èk plin lamour (Prov 22:15 ; cl-F 120 § 10).
2. Bann ti pèrl dan la Bib
(10 min)
Prov 22:29 : Koman i pé aplik vèrsé-la, pou bann zaktivité dan lasanblé, é kèl bon zafèr nou va gingné ? (w21.08-F 22 § 11).
Kèl ti pèrl ou la trouvé dan out lèktur la Bib pou somèn-la ?
3. Lèktur la Bib
(4 min) Prov 22:1-19 (th loson 10).
4. Promié diskusion
(3 min) KAZ AN KAZ. (lmd loson 5 poin 4).
5. Promié diskusion
(4 min) TÉMOINIAJ INFORMÈL. Mont lo moun koman trouv su jw.org bann zinformasion pou èd bann papa momon (lmd loson 1 poin 4).
6. Diskour
(5 min) ijwyp lartik 100. Tèm : Ma la dézobéi papa momon... kosa i fo fé astèr ? (th loson 20).
Kantik 134
7. Mont zot lé pasian, mé fèrm pa lo zié dési
(15 min). Diskusion.
Pou fé grandi marmay, i fo la pasians. Bann papa momon i doi toultan fé in kont èk sak i èspas dan la vi zot marmay, é rézèrv in tan pou pas èk zot marmay san gard lèr (Dét 6:6, 7). Pou konèt kosa néna dan lo kèr zot marmay, bann papa momon i doi ankouraj azot pou kozé, é bien ékout azot (Prov 20:5). An plis, avan ké zot marmay i konpran é i obéi in rokomandasion, parfoi i fodra zot i rodi azot sa, in paké d’foi.
Parkont, i fo pa tronpé, parské néna in diférans ant fé mont la pasians é fèrm lo zié dési bann mové konportman. Jéova la done lo droi bann papa momon, pou mèt bann limit é èd in marmay rodrès é chanj son fason aji, kan li dézobéi (Prov 6:20 ; 23:13).
Lir Éfézien 4:31. Aprésa poz kèstion-la :
Akoz bann papa momon i doi pa korij zot marmay kan zot lé an kolèr ?
Lir Galat 6:7. Aprésa poz kèstion-la :
Akoz lé inportan ké bann papa momon i fé konpran zot marmay, ké in moun i rékol toujour sak li sèm ?
Mont lo FIM « Èk pasians, alon suport anou inn é lot dan lamour » : Out bann marmay. Aprésa poz kèstion-la :
Kèl loson ou tir dési vidéo-la ?
8. Létud la Bib lasanblé
(30 min) lfb « Lèt Kolèj santral », prézantasion pou lo parti 1 é zistoir 1.