25-31 OUT

PROVÈRB 28

Kantik 150 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Bann diférans ant in mové moun é in moun jus

(10 min)

Lo mové moun lé kapon ; lo moun jus néna plin kouraj (Prov 28:1 ; w93-F 15/5 26 § 2).

Lo mové moun lé pa kapab aoir in bon jujman ; lo moun jus lé kapab pran bann bon désizion (Prov 28:5 ; it-1-F 1197 § 6).

In moun rich ké lé mové, na moin d’valèr k’in moun pov ké lé jus (Prov 28:6 ; it-1-F 1195 § 4).

In frèr i pri, li lé asiz atèr dan in kacho, li rogard anlèr, èk konfians.

2. Bann ti pèrl dan la Bib

(10 min)

Prov 28:14 : Kèl lavèrtisman néna dann provèrb-la ? (w01-F 1/12 12 § 1).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 28:1-17 (th loson 10).

DÉVIEN PLI GABIÉ DAN LA PRÉDIKASION

4. Promié diskusion

(3 min) KAZ AN KAZ. Mont ké nora pu la gèr é la violans (lmd loson 5 poin 5).

5. Promié diskusion

(3 min) KAZ AN KAZ. Mont ké nora pu la gèr èk la violans (lmd loson 5 poin 4).

6. Promié diskusion

(2 min) TÉMOINIAJ PUBLIK. Mont ké nora pu la gèr èk la violans (lmd loson 1 poin 4).

7. Promié diskusion

(3 min) TÉMOINIAJ INFORMÈL. Mont ké nora pu la gèr èk la violans (lmd loson 2 poin 4).

NOUT VI KRÉTIEN

Kantik 112

8. Èské ou détès la violans ?

(6 min). Diskusion.

In garson i joué in jé vidéo li lé tro kontan.

La violans la komans aparèt èk Satan lo Diab, sé pousa Jézu la apèl ali « kriminèl » (Jan 8:44). Kan Satan la robèl ali, bann zanj la rozoinn ali. Sé pousa ké domoun partou dési la tèr lavé tonb plis ankor dan la violans, si tèlman ké, pou Jéova la tèr té fine gaté (Jén 6:11). Lo monn Satan ké lé violan, i sar disparèt, plizanpli nou oi ké in bonpé domoun lé san kèr é i kontrol pu zot (2 Tim 3:1, 3).

Lir Psom 11:5. Aprésa poz bann kèstion-la :

Kosa Jéova i rosan pou bann domoun k’i èm la violans, é akoz ?

Out répons
Lo monn lé atiré par la violans. Koman nou oi sa dan lo spor é dan bann lamizman ké domoun i èm ?

Out répons

Lir Provèrb 22:24, 25. Aprésa poz bann kèstion-la :

Koman bann lamizman ké nou choizi é bann moun ké nou frékant, i pé influans nout fason oir la violans ?

Out répons
Kan nou choizi nout bann lamizman, koman sa i pé montré ké nou èm la violans ?

Out répons

9. In laktivité spésial an sèktanm

(9 min)

Diskour fé par lo rèsponsab prédikasion. Di détroi ti mo pou done lélan pou laktivité spésial-la, é di kosa la mèt an plas pou sa.

Mont lo VIDÉO Viv an pé (ti chanté lasanblé réjional 2022).