Akt bann zapot

11 Zot tour, bann zapot é bann frèr la Judé la aprann ké domoun dot nasion osi lavé aksèp la parol Bondié. 18 Kan banna la antand tousala zot la arèt zot sobatkoz é zot la rand gloir Bondié é zot la di : « A donk Bondié la done posibilité domoun dot nasion ropanti azot pou gingn la vi alor ! » 21 Kom Jéova té ansanm zot, in paké domoun la vni kroiyan é la komans kroir lo Ségnèr. 26 Apré ké la trouv ali, la amèn ali dann vil Antioch. Pandan in lané antié, li lété èk lasanblé é li la amont banna in gran kantité zafèr. Lé dann vil Antioch, ké Bondié la fé apèl bann disip « krétien » pou promié foi. 29 É donk bann disip la désid dapré sak chakèn navé, anvoy in lèd pou bann frèr k’i abit dann Judé.