Akt bann zapot

14 Kan zot la ariv Likoniom, zot dé ansanm la rant dann sinagog bann Juif é zot té koz si tèlman bien k’in gran kantité domoun Juif èk domoun Grèk la vni kroiyan. 3 Pol èk Barnabé la pas in bon ti moman tèrla é zot té koz èk kouraj parské Jéova té done azot lo pouvoir fé sa. Li té lès azot fé bann sign èk bann mirak pou mont ké li té dakor èk banna kan zot té i di ké li done èk gran kèr san atand rien. 11 Kan la foul la vu sak Pol la fé, banna la kriyé dann zot lang likaonien : « Bann bondié la vni parèy domoun, zot la désand juska nou ! » 12 É banna la komans apèl Barnabé « Zès », é Pol « Èrmès », parské sé té li lo mésajé. 14 Kan bann zapot Barnabé é Pol la aprann sa, zot la déchir zot linj, é zot la sot dan la foul é zot la kriyé : 15 « Azot oté, afèr zot i fé sa ? Nou lé domoun fèb kom zot mèm. Nou anons azot la bone nouvèl pou ké zot i vir lo do ansanm tousala k’i vo pa rien é ké zot i vien ador lo Bondié vivan, sé ali la fé lo sièl, la tèr, la mèr é tout sak néna dési. 17 Pourtan, li la done bann prèv su kisa li lé, kan li fé lo bien : li la done la pli k’i sort dann sièl é bann bon rékolt chak sézon, sa la done azot manjé an gran kantité é la ranpli zot kèr èk la joi. 23 É an plis, pou èd bann disip zot té mèt an plas bann zansien dan chak lasanblé. Pou gingn fé sa zot té fé bann priyèr é zot té rès san manjé. É kom astèr bann disip-la té kroi Jéova, zot la domand ali pran soin d’banna.