Jénèz

6 Alor, kom lavé plizanpli domoun dési la tèr, é ké zot té gingn bann fi, 2 bann garson lo vré Bondié la romarké ké bann fi bann zom lété joli. Alor, zot la komans pran kom madam tout sak zot i voulé. 5 Alor Jéova la vu ké bann domoun i fé mové zafèr an kantité dési la tèr, é dan zot pansé, néna toujour in tandans pou sak lé mové. 6 Jéova la rogrété li la kré bann domoun su la tèr, é té fé mal son kèr. 13 Alor Bondié la di èk Noé : « Moin la désid détrui bann domoun, parské la tèr lé ranpli èk la violans akoz banna ; alor mi sa détrui azot èk tout sak néna su la tèr. 14 Fé aou in larch èk in piédboi k’i done la kol. Ou va fé bann konpartiman é ou va rokouv ali èk goudron an déor é ann dan. 22 É Noé la fé tout sak Bondié la domand ali pou fé. É sé égzaktéman sa mèm li la fé.