Jan

3 Ala kosa i fo fé pou gingn la vi pou toultan : i fo ké zot i aprann konèt aou, lo sèl vré Bondié, èk Jézu Kris ké ou la anvoyé. 4 Ma la done aou la gloir su la tèr, ma la fini lo travay ké ou la done amoin pou fé. 5 É astèr, Papa, donn amoin la gloir koté ou, la gloir ke moin lavé koté ou avan ke le monn té i égzis. 6 « Moin la fé konèt out non avèk bann zom ke ou la donn amoin anparmi le monn. Banna té apartien aou, é ou la donn amoin banna, é zot la obéi out parol. 14 Ma la donn banna out parol, mé le monn lavé la èn pou zot, parske banna i apartien pa le monn, kom moin mi apartien pa le monn. 15 « Mi domand pa ou fé kit azot lo monn, mé akoz sak lé mové, gard in zié su zot. 16 Banna i fé pa parti lo monn, kom moin mi fé pa parti lo monn. 17 Fé ké banna i dévien sin gras la vérité ; out parol lé la vérité. 20 « Mi pri aou pa rienk konsèrnan banna, mé osi konsèrnan sak, par zot parol, i mèt la foi an moin, 21 pou ke tout banna lé uni, kom ou, Papa, ou lé uni avèk moin é moin mi lé uni avèk ou, pou ke banna osi lé uni ansanm nou, pou ke le monn lé konvinku ke ou la anvoiy amoin. 22 Ma la donn azot la gloir ke ou la donn amoin, pou ke banna i fé inn, kom ou é moin i fé inn. 26 Moin la fé konèt banna out non é moin va fé konèt ali, pou ké lamour ou lavé pou moin lé an zot, é moin lé uni èk zot. »