Révélasion

4 É ma la antand in not voi dépi dann sièl ké té i di : « Sort anndan la, mon pèp, si zot i vé pa ni konplis son bann péché, é si zot i vé pa konèt kom li bann gran malèr k’i sa ni su li. 5 Parské son bann péché la anpilé juska dann sièl, é Bondié la rapèl ali bann krim èl la fé. 20 « Aou sièl !, é zot osi bann sin, bann zapot é bann profèt, fé mont zot kontantman, par rapor sak la ariv aèl, parské Bondié la juj aèl pou rand azot justis ! » 21 É in lanj puisan la soulèv in roch ké té rosanm in gro galé pou kraz lo grin é la jèt ali dan la mèr, é la di : « Sé komsa, d’in kou mèm, ké lo gran vil Babilone i sra jeté, é pli jamé nou va rotrouv ali. 24 Oui, koté li mèm la trouv lo san bann profèt èk bann sin é lo san tout sak la été tué dési la tèr. »