Psom
119 Ereu tout sak na in konduit ke lé toultan droit, é i mèt an pratik la loi Jéova. 9 Koman in jènjan va mèn inn vi prop ? Pou suiv sak out parol i di, li vèy bien sak li fé. 11 Mi ramas bien mèm out parol dan mon kèr, pou pa ké mi pèch kont ou. 34 Done amoin lintélijans, pou ké mi rèspèk out loi é ké mi obéi èk tout mon kèr. 37 Détourn mon zieu de sak i vo pa rien ; fé ke mi rès vivan su out chemin. 63 Moin lé kamarad avèk sak néna in gran rèspé pou ou é tout sak i suiv out bann komandman. 97 Mi èm tèlman out loi ! Mi pran lo tan réfléchi dési tout la journé. 99 Mi konpran bien plus ke tout mon bann zansénian, parske mi réfléchi afon su out bann rapèl. 105 Out parol lé in lanp pou mon pié é in lumièr pou mon chemin. 140 Out parol lé apropté, out sèrvitèr i èm ali. 144 La justis de out bann rapèl i dur pou toultan. Èd amoin konprann, pou ke mi rès vivan. 159 Gard koman mi ièm out bann komannman ! O Jéova, fé rès amoin vivan, dapré out lamour fidèl. 160 Tout sak néna dan out parol lé la vérité, é tout out bann jujman jus i dur pou toultan. 165 Sak i èm out loi nora bonpe la pé ; na poin rien i pe fé tonm azot.