Izai

4 Juska dan zot vié jour, mi va rès parèy ; mèm kan zot nora chevé blan, ma va soutien azot. Kom moin la déjà fé, mi va port azot, mi va soutien azot é mi va sov azot. 9 Souvien azot bann zafèr dan lo vié tan pasé, rapèl azot ké amoin lé lo Bondié é na poin dot ké moin. Moin lé Bondié, é na poin pèrsone kom moin. 10 Dépi lo komansman, mi fé konèt la fin, é dépi dann tan lontan, mi anons bann zafèr ké la pa ankor èspasé. Mi di : “Sak ma la désidé va arivé, é tout sak i fé plézir amoin, mi va fé ali.” 11 Mi apèl depui le solèy levan in zoizo rapas, d’in péi loin mèm lom ke va réaliz sak moin la désidé. Moin la kozé, é moin va fé ke sa i ariv. Moin la fé le projé, é mi va réaliz ali.