Akt bann zapot

3 Kan nou té pa loin ariv koté lil Chip, nou la vir a droit pou alé ver péi la Siri, é la nou la ariv Tir, la ousa lo bato té doi décharj son marchandiz. 4 Nou la rod ousa bann disip té i lé, é kan nou la trouv azot nou la rès laba sèt jour. Mé akoz sak lèspri sin lavé di banna, plizièr foi zot la di Pol vo mié li mèt pa lo pié laba dann Jéruzalèm. 8 Lo landmin nou la sort laba é nou la ariv Sézaré. É la, nou la parti la kaz Filip, lo portèr lo gayar nouvèl. Li té inn an parmi lé sèt bonom, é nou la rès son kaz. 13 Li la répond : « Akoz zot i plèr komsa é akoz zot i ésèy kal mon lélan ? Kroi amoin, moin lé paré, pa jus pou k’i amar amoin èk la chèn, mé mèm si i fo mi mor pou lo non lo Ségnèr Jézu laba Jéruzalèm, moin lé paré. » 14 Kom té gingn pa anlèv lidé-la dan son tèt, nou la pu rod lo bout, é nou la di : « Sé Jéova va fé kom li vé. » 17 Kan nou la ariv Jéruzalèm, bann frèr té kontan rosoi anou. 20 Kan zot té fine antand tousala, zot la komans rand la gloir Bondié, mé zot la di : « Aou mon frèr, ou oi bien néna plizièr milié Juif la vni kroiyan, é tout banna lé a fon dan la Loi. 21 Mé banna la antandu di ke, dan out lansègnman, ou pous tout bann Juif bann nasion pou arèt suiv la Loi Moiz, é ou di azot arèt sirkonsi zot marmay é suiv pa bann koutum ke lé bien an plas. 23 Alor, fé sak nou di aou : Néna avèk nou kat bonom ké la fé in promès. 24 Pran banna èk ou, mèt azot prop kom la koutum i vé, é pèy sak i fo pèyé, pou ké banna i gingn raz zot tèt. Komsa-la tout domoun va oir ké ou konport aou bien, é ké aou osi ou obéi la Loi é ké tout bann ladilafé i di si ou lé mantèr. 26 Donk lo landmin, Pol é lé kat bonom la mèt azot prop kom lo koutum té vé, aprésa zot la rant dan lo Tanp pou di kansa va fini lo tan la purifikasion è kansa i fodré chakèn i fé son lofrand.