Ébré

11 La foi sé kan nou lé sur mèm ké sak nou atand i sa arivé, in prèv sur ké sak nou oi pa, i égzis. 4 Gras la foi, Abèl la of Bondié in lofrann ké navé plis la valèr ké sak Kain la fé, é kom li lavé la foi, li la gingn la prèv ké li lété in moun jus, parské Bondié la aksèp son bann kado ; é mèm si li lé mor, gras son foi, li koz ankor. 6 An plis, san la foi, lé pa posib kontant Bondié, parské sak i kos koté Bondié i doi kroir ké li égzis, é ké li dovien lo Bondié k’i rékonpans sak i rod ali èk tout zot kèr. 10 Parske li té atann la vil ke néna bann vré fondasion, vil ke Bondieu la fé é la konstrui. 27 Gras la foi, li la kit Léjip, li lavé pa peur le kolèr le roi, parske li la tienbo ansanm, komsi li té voi sak lé invizib. 32 É kosa moin néna ankor pou di ? Moin nora poin asé lo tan si mi kontinié rakont azot kosa Jédéon, Barak, Sanson, Jèfté, David, èk Samuèl é lé zot profèt osi la fé.