Romin
2 Par égzanp, si lavé di Abraam lété jus akoz son bann zaksion, li noré gingn in rézon pou bat su son lèstoma, mé li té gingn pa fé sa dovan Bondié. 3 Parské, kosa bann Lèkritir i di ? « Abraam lavé la foi an Jéova, é sé pousa Bondié la konsidèr ali kom in moun jus. » 4 Pourtan, pou in moun k’i travay, son pèy lé in zafèr k’i doi ali, mé sé pa in gran favèr ké li mérit pa. 7 « Sak lo bann mové zaksion lé pardoné é zot péché lé kouvèr lé éré ; 8 lo moun ké Jéova i tienbo pa kont son péché lé éré. » 12 Lété osi pou ké Abraam i vien in papa pou bann sirkonsi, pa jus pou sak té i vé pa larg la sirkonsizion, mé osi in papa pou sak té suiv son légzanp la foi, alor k’li mèm li té pa ankor sirkonsi.