Jan

11 Lavé in bonom té apèl Lazar té malad ; li té in moun té sort vil Bétani, lo vilaj Mari èk Mart son dé sèr. 2 Sé lo mèm Mari ké lavé vèrs luil parfumé su lo pié lo Ségnèr é apré èl la ésui avèk son chevé ; Lazar ké té malad té tonb son frèr. 3 Alor lé dé sèr la anvoy in mésaj pou Jézu : « Ou koné kosa Ségnèr, sak ou èm bien la, lé malad. » 4 Mé kan Jézu la aprann sa, li la di : « Se maladi la lé pa pou donn la mor, mé li lé pou la gloir Bondieu, pou ke gras aèl i rann gloir le Garson Bondieu. » 5 Jézu té èm Mart é son seur é Lazar. 11 Kan li té fine di bann zafèr-la, li la di : « Lazar, nout kamarad, lapou dormi, mé mi sa va la ba pou fé lèv ali. » 12 Alor son bann disip la di ali : « Ségnèr, si li dor, li va géri. » 13 Sèlman, Jézu lavé di sa pou la mor Lazar. Mé, banna té kroi ké li lavé di Lazar té i dor, ké li té ropoz. 14 Alor Jézu la karéman di azot : « Lazar lé mor, 21 Alor Mart la di èk Jézu : « Sénieur, si ou lavé été la, mon frèr i sré pa mor. 22 Pourtan, mèm astèr, mi koné ke tout sak ou va demann Bondieu, Bondieu va donn aou ». 23 Jézu la di aèl : « Out frèr va résusité. » 24 Mart la di ali : « Mi koné li va résusité kan nora la rézuréksion dann dèrnié jour. » 25 Jézu la di aèl : « Mi lé la rézurèksion é la vi. Sak i mèt la foi an moin, mèm si li mor, li va roviv ; 26 tout domoun k’i viv é k’i mèt la foi an moin va pa mor dutou, non dutou. Ou kroi sa ou ? » 32 Kan Mari la ariv ousa Jézu lété é ké èl la vu ali, èl la tonb a jonou é la di ali : « Ségnèr, si ou lété la, mon frèr sré pa mor. » 33 Kan Jézu la vu Mari té pou pléré é bann Juif ké té ansanm èl té pou pléré osi, sa la fé mal ali é son kèr la grosi. 34 Li la di : « Ousa zot la dépoz ali ? » Banna la di ali : « Ségnèr, vien oir. » 35 Alor larm Jézu la koulé. 38 Lémosion la rovni dési li é aprésa, Jézu la parti su la tonb. An fèt lété in grot, é lavé in gro galé té dovan. 39 Jézu la di : « Tir gro galé la. » Mart, la sèr lo mor, la di èk li : « Ségnèr, i fé déja kat jour, son kor i doi santi mové. » 40 Jézu la di ali : « Moin la pa di aou, si ou té kroi ou té sa oir la gloir Bondié ? » 41 Alor, la tir lo gro galé . É Jézu la lèv son zié dann sièl é la di : « Papa, mi di aou mèrsi ké ou la antand amoin. 42 Lé vré, mi té koné ké ou té antand amoin toultan ; mé sé akoz la foul ké lé otour ké moin la kozé, komsa banna i kroi ké sé ou la anvoy amoin. » 43 Apré ké li té fine di bann zafèr-la, li la kri for : « Lazar, vien déor ! » 44 Lo bonom té mor la vni, son pié èk son min té amaré èk la toil, é son figur té kouvèr èk in bout tisu. Jézu la di banna : « Tir la toil-la dési li é lès ali alé. »