Filipien

7 Pourtan, tout bann zafèr ké lété in lavantaj pou moin, moin la abandone tousala èk gran kèr akoz lo Kris. 8 Mi konsidèr mèm ké tout zafèr sé rien ditou par rapor sak mi koné dési Jézu Kris mon Ségnèr, la valèr la konèsans-la lé inkroiyab. Pou li, moin la aksèp pèrd tout zafèr é mi konsidèr tousala kom in ta la salté, pou gingn la favèr lo Kris 10 Mi viv pou konèt ali, èk la fors son rézurèksion, é pas dann mèm soufrans ké li, é mor parèy kom li, 11 pou oir si lé posib pou moin, an parmi bann mor, gingn la rézurèksion ké va ariv pli bonèr. 13 Mon bann frèr, pou moin mi pans pa ké ma la fine gingn-sa, mé in zafèr lé sur, ma la oubli bann zafèr ké lé dèrièr é mi avans vèr sak lé dovan, 16 Antouka, k’inport bann progré ké nou la fé, kontinié march droit dan lo mèm sans. 17 Zot tout mon bann frèr, fé parèy moin, é kal zot zié su sak i aji in fason pou fé mont ké zot i suiv légzanp ké nou done azot.