Izai

3 Létranjé k’i kos koté Jéova i dévré pa di : “Lé sur, Jéova i sa fé in séparasion ant moin é son pèp.” É lénuk i dévré pa di : “Agard, mi lé in piédboi ké la fine vni sèk.” » 4 Parsk’ala kosa Jéova i di : « Bann zénuk k’i rèspèk mon bann saba, é k’i désid fé sak i fé plézir amoin, é k’i oubli pa lalians zot la pasé ansanm moin, 5 mi va fé in plas pou zot anndan mon kaz é dan mon bann mur, in zafèr k’i sra ankor pli méyèr ké gingn bann zanfan. Mi va done azot in non pou toultan, in non ké va jamé disparèt. 6 É bann zétranjé k’i vien travay pou Jéova, pou èm lo non Jéova, é pou vni son bann sèrvitèr, tout sak i rèspèk lo saba, i sali pa son non, é i oubli pa lalians ké zot la pasé ansanm li, 7 Mi va fé vnir azot su mon montagn sin é mi va ranpli azot èk la joi dan mon kaz la priyèr. Mi va aksèp tout bann zanimo zot va brul an sakrifis é dot sakrifis zot va fé su mon lotèl. Parské va apèl mon kaz, in kaz la priyèr pou tout bann pèp.