Izai
11 Mé azot, zot lé an parmi sak i larg Jéova, sak i oubli mon montagn sin, sak i prépar la tab pou lo bondié la Chans é k’i ranpli lo bann vèr èk dovin mélanjé pou lo bondié lo Dèstin. 13 Sé pousa ala sak le Souvrin Sénieur Jéova i di : « Agard ! Mon bann sèrviteur va manjé, mé zot, zot va souf la fin. Mon bann sèrviteur va boir, mé zot, zot va souf la soif. Mon bann sèrviteur sra kontan, mé zot, zot nora ont. 14 Mon bann sèrviteur va kriyé èk la joi parske zot keur lé trankil, mé zot, zot va kriyé parske zot keur i fé mal, é zot va anplègn azot parske zot moral lé atèr. 17 Parské agard ! Mi fé in nouvo sièl é in nouvo tèr ; nou va pu rapèl anou bann zafèr dann pasé, é sa va pu déchir nout kèr. 18 Alor, ké zot pié i touch pu atèr gras in gran kontantman é trouv la joi pou toultan dan sak mi fé. Parské gard bien ! mi fé Jéruzalèm pou rand domoun kontan é son pèp pou done domoun in gran kontantman. 21 Nou va fé bann kaz é nou va abit dédan, nou va plant bann pié rézin é nou va manj lo bann frui. 22 Nou va pa fé in kaz pou ké in not moun i abit dédan, nou va pa planté pou ké in not i manj. Parské bann jour mon pèp va viv, i sra osi long ké bann jour in piédboi, é sak moin la choizi va profit a fon zot travay. 23 Zot i sar pa fatig azot pou rien, zot sar pa gingn zanfan pou voir banna konèt le maleur, parske zot mèm é zot zanfan lé bann désandan ke lé anparmi sak lé béni par Jéova. 24 Avan mèm ke banna i kri, mi va réponn azot ; alor ke zot i sra ankor antrèn kozé, ma fé sak zot i demann. 25 Le lou é le ti mouton va manj ansanm, le lion va manj la pay parèy kom le toro, é le sèrpan va manj la pousièr. Pèrsonn va fé le mal é zot va komèt okin déga su tout mon montagn ke lé sin », Jéova i di.