Romin
11 Parské ma la vréman anvi voir azot pou done azot in lèd spirituèl, pou k’i rand azot pli for, 12 oubien plito pou nou ankouraj anou inn é lot par nout foi, zot foi kom lé mièn. 13 Mon bann frèr, mi sar pa kachièt azot ké, plizièr foi moin lavé prévu ni oir azot, mé juska lèr moin la pokor gingn lokazion ni, (parské na in nafèr la anpèch amoin), an fèt, moin lavé lèspoir gingn bann bon rézulta an parmi zot é osi an parmi lé zot nasion. 15 Moin la vréman anvi anons azot lo gayar nouvèl, avèk zot osi ké lé a Rom. 16 Parské moin la pa ont lo gayar nouvèl ; An vré li lé in gran fors ké Bondié i ansèrv pou sov tout sak néna la foi, bann Juif an promié é aprésa bann Grèk osi. 20 An vré, zot na poin okin lèskuz mèm si i oi pa Bondié, parské dépi li la fé lo monn, i romark bien son bann kalité dan bann zafèr li la fé, oui i oi son puisans k’i dur pou toultan é i oi osi ké li égzis. 24 Sé pousa, Bondié la larg azot sou la dominans bann zafèr ké lé pa prop, dapré bann lanvi ké néna dan zot kèr, pou ké zot i sali zot prop kor. 25 Zot la échanj la vérité Bondieu kont le mansonj ; 26 Ala poukosa Bondié la larg azot sou la dominans bann lanvi sèksuèl k’i fé ont, parské zot madam la lès bann rolasion sèksuèl naturèl pou fé sak lé pa naturèl ;