Provèrb

15 In parol kom domièl i fé fane la raj, mé in kozman i blès i fé mont la kolèr. 9 Jéova i èm pa dutou lo fason lo méchan i aji ; parkont, li èm sak i kontinié fé sak lé jus. 15 Tou lé jour sé in mové jour pou lo ti maléré, mé sak néna lo kèr éré i viv toultan in ropa d’fèt. 17 Mié vo manj in zasièt légum, la ousa néna lamour, olèrk manj in toro bien gras, la ou sa néna la èn. 18 In moun anrajé i rod dézord, mé lo moun k’i pran pa la kolèr vitman i fé pa lèv disput. 22 Bann projé i march pa kan nou demann pa konsèy, mé zot i réaliz kan néna in bonpe konséyé. 23 In moun lé kontan kan li done in bon répons, in bon ti kozé k’i tonb kom k’i fo, lé bien gayar. 30 Kan lo zié i briy sa i kontant lo kèr ; in gayar nouvèl i rand bann zo pli for.