Luk

11 In ti pé tan aprésa, li la parti dan in vil ké i apèl Naine. Son bann disip èk in paké domoun té ansanm li. 12 Kan li la ariv dann lantré la vil, ala pa ké li tonb su domoun ké té pou port in mor an déor la vil, té lo sèl garson in madam ké té vèv. In gran paké domoun té an partans èk madam-la. 13 Kan lo Ségnèr la vu aèl, son kèr la fand an dé é li la di aèl : « Plèr pi. » 14 É li la avans koté sak té i port lo mor é kan li la touch lo brankar banna la rèt an plas la mèm. Li la di : « Aou jèn garson, mi di aou, lèv aou ! » 15 Lo mor la asiz é la komans kozé. É Jézu la rand lo momon son garson. 19 Jan la apèl dé son bann disip é la anvoy azot domand lo Ségnèr : « Lo moun i doi ni, sé ou oubien i fo nou atand in not ? »