1 Jan

5 Zot i koné osi ké Jézu lé vnu pou tir nout péché ; é li mèm li na poin okin péché. 8 Si kèlkin i pèch, li sort koté le Diab, parske le Diab i pèch depui le komansman. Sé pousa le Garson Bondieu lé vnu : pou détrui bann zafèr ke le Diab i fé. 10 Ala sak i mont la diférans ant bann zanfan Bondieu é bann zanfan le Diab : sak i fé pa sak lé jus i sort pa koté Bondieu ; sak i ièm pa son frèr osi. 11 Parske, ala le mésaj ke zot la antandu depui premié débu : nou doi ièm anou inn é lot, 12 é pa èt kom Kain, ke té i sort koté le méchan é ke la tué son frèr. É poukosa li la tué son frèr ? Parske son bann zaksion lété mové, mé ke sak son frèr lété jus. 15 Si kèlkin i détès son frèr, sé in kriminèl, é zot i koné ke okin kriminèl na poin la vi pou toultan ki rès an li. 17 Mé sak néna lo bien matèryèl dan lo monn-la é li oi son frèr la bézoin lèd, é malgré sa li na poin pitié son frèr, koman ou vé ké lamour bondié i rès an li ? 18 Marmay, nou doi èm pa rienk èk la bouch ni par sak nou di, mé par sak nou fé èk in kèr sinsèr. 19 Sé komsa nou koné nou sort koté la vérité, é nou va rasir nout kèr dovan Bondié, 20 é sa kinport lo rézon pou kosa nout kèr i kondane anou, parské Bondié lé pli gran ké nout kèr é li koné tout bann zafèr.